വിചിത്രമായ ചിന്താഗതികളാണിന്നിന്റെ പ്രത്യേകത.നാം ഏതു നൂറ്റാണ്ടിലാണ് ജീവിയ്ക്കുന്നതെന്ന് തോന്നിപ്പോകാറുണ്ട്. മനുഷ്യൻ ലൌകികതയുടെ ആകർഷണത്തിൽ സ്വയം മറന്ന് കാട്ടിക്കൂട്ടുന്ന പേക്കൂത്തുകളാണെങ്ങും. കാലപ്രവാഹത്തിൽ സൃഷ്ടികളിൽ വന്നു ചേരുന്ന പല മാറ്റങ്ങളും ചുരുങ്ങിയ ജീവിതത്തിന്നിടയിൽ നമുക്കു തന്നെ അനുഭവപ്പെടാൻ തുടങ്ങിയിരിയ്ക്കുന്നുവോ? പണ്ടൊക്കെ  ആൾക്കാർ പറയും അടുത്ത തലമുറയാകും അനുഭവിയ്ക്കാൻ പോകുന്നതെന്ന്. എന്നാൽ സുഖമായാലും ദു:ഖമായാലും കർമ്മഫലം ഈ തലമുറ തന്നെ അനുഭവിയ്ക്കാൻ തുടങ്ങിയിരിയ്ക്കുന്നു. സ്വയം ഒന്നു തിരിഞ്ഞു നോക്കാനും ഇതവരെ പ്രേരിപ്പിച്ചിരുന്നെങ്കിൽ! നാട്ടിലുടനീളംനടകുന്ന സ്ത്രീപീഡനങ്ങൾക്കെതിരെ പ്രതികരിയ്ക്കാനും സ്ത്രീ സുരക്ഷ ഉറപ്പുവരുത്തുന്നതിനുമായി പുതിയ [...]

പുഴയും കടലും കരയും…. ഒഴുകാന്‍ ഇഷ്ടപ്പെടാത്ത പുഴ, കരയെ പ്രേമിച്ചു കടലിനെ മറന്നു ഒഴുക്കിന്റെ താളം ഗതകാലമായി മണല്‍ക്കാറ്റു കൂട്ടിനെത്തി തളര്‍ന്ന മൂളലുകളില്‍ സ്വാന്തനത്തിന്റെ ഈണവുമായി എന്നിട്ടും പുഴ കരഞ്ഞില്ല ഒഴുകാനിഷ്ടപ്പെട്ടുമില്ല പുഴയുടെ മനസ്സു വിങ്ങിയില്ല നിര്‍വികാരതയുടെ മൂടുപടം പുഴയുടെ സൌന്ദര്യത്തില്‍ പുഴുക്കുത്തുകളായി മാറി എന്നിട്ടും പുഴ സ്നേഹിച്ചതു കരയെ മാത്രം! കരയ്ക്കു കടലിനെ പേടി കടലിന്റെ ആലിംഗനത്തെ പേടി മണല്‍ത്തരികള്‍ കവര്‍ന്നെടുക്കുന്ന തിരമാലക്കൈകളെ തട്ടിമാറ്റാനാകാതെ കര കടലിനെ പേടിച്ചു പുഴയെ പ്രേമിച്ചു ആലിംഗനം ചെയ്യാനായി എത്താത്ത [...]

  ‘”ലോകമെമ്പാടുമുള്ള സ്ത്രീകൾ ഒത്തൊരുമിയ്ക്കുകയാണെങ്കിൽ ലോകസമാധാനത്തിനായുള്ള ഏറ്റവും വലിയൊരു ശക്തിയായവർക്ക് മാറാനാകും” പൌരാവകാശപ്രവർത്തകനായിരുന്ന മാർട്ടിൻ ലൂതർ കിംഗിന്റെ വിധവ കോറെറ്റ സ്കോട്ട് കിംഗിന്റെ വാക്കുകളാണിവ. അതിശയോക്തി ഉണ്ടെന്നു തോന്നിയില്ല. അസംഭവ്യമെന്നും. പിന്നെ എന്തു കൊണ്ടതു സംഭവിയ്ക്കുന്നില്ല? അതിനു വേണ്ട സമർപ്പണ മനോഭാവം സൃഷ്ടിയ്ക്കാൻ നമുക്കു കഴിയാതെ പോകുന്നത് തന്നെ കാരണം എന്നു തോന്നാറുണ്ട്. ഇതു തന്നെയല്ലേ  ഇന്ത്യൻ സ്ത്രീകളുടെ കാര്യത്തിലും സംഭവിയ്ക്കുന്നത്? ഒത്തൊരുമിച്ച് നിന്നു തങ്ങൾക്കു നേരെയുള്ള അതിക്രമങ്ങളെ ചെറുക്കണമെന്ന ശക്തമായ വിചാരം ചോർന്നൊലിച്ചു പോകുന്നതെന്തുകൊണ്ടാണെന്നു മനസ്സിലാകുന്നില്ല.കേരളത്തിലെ [...]

മാർച്ച് 8. ലോകവനിതാദിനം. ഒലക്കേടെ മൂട് . ശരിയ്ക്കും അങ്ങനെ പറയാനാണ് തോന്നുന്നത്. എന്തു നേടി എന്നതിനിന്നു പ്രസക്തിയില്ല.  കാപട്യത്തിന്റെ മൂടുപടമണിഞ്ഞ ലോകം സ്ത്രീയെ നോക്കി കൊഞ്ഞനം കുത്തുന്ന കാഴ്ച്ചയാണെവിടെയും.  കഴിഞ്ഞ 102 കൊല്ലം നാമാഘോഷിച്ചില്ലേ വനിതാദിനം? എന്നിട്ടും നമ്മുടെ അവസ്ഥ ദയനീയമായിത്തന്നെ തുടരുന്നു. ഇനിയും ആഘോഷിയ്ക്കണമോ?.എന്തു തോന്നുന്നു? ഇന്ത്യൻ സ്ത്രീത്വം വിലപിയ്ക്കുന്നു. ശരിയ്ക്കും വേദനിച്ചിട്ടുതന്നെ. സ്ത്രീകൾക്കു മേലുള്ള അതിക്രമങ്ങൾ കൂടുകയാണ്. സുരക്ഷിതത്വം ഒരിടത്തുമില്ലാത്ത അവസ്ഥ. ഒരുപക്ഷേ സ്ത്രീയായി ജനിച്ചതിൽ ദു:ഖിയ്ക്കുന്നവരുടെ എണ്ണം കൂടി വരുക തന്നെയാണെന്നു [...]

പുഷ്പ്പദലങ്ങൾ. (അമി ലോവെൽ) ജീവിതം ഒരു പ്രവാഹമാണ് ഹൃദയപുഷ്പ്പത്തിന്നിതളുകളൊന്നൊന്നായ് ഇതിനു മുകളിലായ് നാം വിതറുന്നു നഷ്ടമാകുന്നൊരു സ്വപ്നാന്ത്യമായവ നമ്മുടെ കണ്മുന്നിലൂടെ പൊങ്ങിയൊഴുകിയകലുന്നു. അവയുടെ ഉല്ലസിതമായ യാത്രാരംഭം മാത്രമേ നാം ശ്രദ്ധിയ്ക്കാറുള്ളൂ. പ്രത്യാശയാൽ ഭയവിഹ്വലതയാർന്ന് ഹർഷാതിരേകമേകും അരുണിമയാർന്ന് വിടരുന്ന പനിനീർപ്പൂവിന്റെ ഇലകളെ നാം വിതറുന്നു അവയുടെ വിസ്തൃതമായ വ്യാപ്തിയോ വിദൂരസ്ഥമായ വ്യാപാരമോ നമുക്കറിയാനാകില്ലെങ്കിൽക്കൂടി. നീരൊഴുക്കവയെ തൂത്തുവാരിയൊഴുക്കിക്കൊണ്ടുപോകുമ്പോൾ അവയോരോന്നും അപ്രത്യക്ഷമാകുന്നു ശാശ്വതമായ, മടക്കമില്ലാത്ത അനന്തതയുടെ വഴിയിലൂടെ . നാം മാത്രം ബാക്കി. വർഷങ്ങൾ ത്വരിതഗതിയിലോടവേ പുഷ്പ്പം തന്റെ യാത്രാപഥത്തിൽ മുന്നേറുന്നെങ്കിലും [...]

ഡിസംബറിതാ ജന്മസിദ്ധമായ മടിയോടെ ജനുവരിയ്ക്കു വഴിമാറുന്നു. പുതുവർഷത്തിന് പിറക്കാനും മടിയോ?     കാണാതെങ്ങനെ? അത്രയും സംഘർഷം അന്തരീക്ഷത്തിലുണ്ടല്ലോ? പണ്ടെ വിധിയെഴുതിയ പതിമൂന്നിന്റെ ദൌർഭഗ്യം തലയ്ക്കു മുകളിലെ വാളായും കൂട്ടിനുണ്ട്. എന്തൊക്കെ കുറ്റങ്ങൾ എന്റെ മേൽ ചാർത്തും? ആശങ്കക്കു വകയുണ്ടല്ലോ?     ആരാച്ചാരുടെ കുടുക്കും, മയന്റെ കലണ്ടറും കാട്ടി എന്നെ ഭയപ്പെടുത്താൻ പലരും ശ്രമിയ്ക്കുന്നു ഒരു സമാധാനം മാത്രം ചൂണ്ടിക്കാണിയ്ക്കാനായി അവർ തന്നെ എനിയ്ക്കു കാണിച്ചുതരുന്ന ആറു തലകൾ ആ കുടുക്കുകളിലാടുന്നതെനിയ്ക്കു കാട്ടിത്തരാനാകുമെങ്കിൽ ഞാൻ രക്ഷപ്പെട്ടു. [...]

പുലർകാലത്തിൽ മഞ്ഞു തുള്ളികളേന്തിക്കൊണ്ടു വിരിഞ്ഞു ചിരിതൂകും പനിനീർപ്പൂവെന്നോടായ് ഒരു സുപ്രഭാതത്തിൻ സന്ദേശമറിയിയ്ക്കേ മനമെന്തിനോ പൂവായ് വിടരാൻ കൊതി പൂണ്ടു.   പറക്കും ശലഭത്തിൻ വരവിൻ പ്രതീക്ഷകൾ കനക്കേ, സമ്മാനമായ് നൽകിടാൻ കൈക്കുമ്പിളിൽ നിറച്ചു പരാഗരേണുക്കളും വഹിച്ചു നീ നിനയ്ക്കുന്നാരേ, കാറ്റിൽ‌പ്പടർത്തീ സുഗന്ധവും.   എനിയ്ക്കു തരിയ്ക്കില്ലെൻ കൈകളൊട്ടിറുത്തു നിൻ കനത്ത പ്രതീക്ഷ്യ്ക്കു മങ്ങലേൽ‌പ്പിയ്ക്കാനെന്നാൽ ശരിയ്ക്കും ഭയമുള്ളിൽ തോന്നുന്നു ,കുസൃതികൾ ഇറുത്തീടുമോ നിന്നെ, വിടർത്തീടുമോയിതൾ?   കൊതിയ്ക്കുന്നൂ നിൻ മുഖം കണ്ടിടാനെന്നാകിലും എനിയ്ക്കാവില്ലോതിടാം നിൻ രക്ഷയെന്നും കാക്കാൻ മറച്ചീടാമോ [...]

ചിണുങ്ങുന്നുണ്ട്, കുട്ടികളെപ്പോലെ കള്ളക്കരച്ചിലെന്നു പറയാനാവില്ല മുഖം വീർത്തു കെട്ടിയിട്ടുണ്ട് ,പൊടിയുന്നുണ്ട്  കണ്ണീർ.  അൽ‌പ്പരസം കൂടുതലാ മുഖം തരുന്നില്ലല്ലോ?  പെട്ടെന്നോടിക്കളയുന്നതെന്തേ? വീണ്ടും മുഖം ഇരുണ്ടുവോ? പെട്ടെന്നുള്ള സ്വഭാവ മാറ്റം അമ്പരപ്പേറ്റുന്നു ഇത്തിരി മുൻപു എത്ര സന്തോഷത്തിലായിരുന്നു ആരെങ്കിലും എന്തെങ്കിലും  പറഞ്ഞു കാണുമോ ആവോ? കരച്ചിലിനു മുൻപൊരു പൊട്ടിച്ചീറ്റൽ.  കണ്ണഞ്ചിപ്പോയി, നടുക്കത്തോടൊപ്പം  ഒരു കുളിർകാറ്റ് പാട്ടുമായെത്തി നിന്നെക്കുറിച്ചു തന്നെയുള്ള ആവലാതിയുമായി. വൈകിയെഴുന്നേൽക്കുന്ന ശീലം നന്നല്ല, ട്ടോ വൈകുന്നേരങ്ങൾ നിനക്കു പ്രിയമെങ്കിലും പലരേയും ബുദ്ധിമുട്ടിയ്ക്കുന്നെന്നറിയില്ലേ? ഒന്നു വേഗം വന്നുപൊയ്ക്കൂടെ എന്നു ചോദിയ്ക്കാനും [...]

    വേസ്റ്റ് മാനേജ്മെന്റിന്റെ കാര്യത്തിൽ നാമേറെ പുറകിലാണെന്നറിയാം.എങ്കിലും ഒഴിഞ്ഞ പൌഡർ ടിന്നും ടൂത്ത് പേസ്റ്റ് റ്റ്യൂബുമൊക്കെ നമ്മളെ നോക്കി കൊഞ്ഞനം കുത്തുമ്പോൾ മനസ്സിൽ ആരോടൊക്കെയോ ദേഷ്യം തോന്നിപ്പോകുന്നു. വഴിയരികിലെ കുന്നു കൂടുന്ന മാലിന്യങ്ങൾക്കിടയിലൂടെ ട്രപ്പീസ് കളിക്കാരെപ്പോലെ ദുർഗ്ഗന്ധത്തിൽ നിന്നും രക്ഷപ്പെടാനായി മൂക്കും  പൊത്തിപ്പിടിച്ച്  നടക്കുന്ന മലയാളി സ്വാർത്ഥതയുടെ പര്യായം തന്നെയല്ലേ? എന്തേ ഇതിനെതിരെ നാം ശക്തിയായി പ്രതിഷേധിയ്ക്കുന്നില്ല? എന്തേ നാം സ്വയം ഇതിനൊരറുതി വരുത്താൻ എന്തെങ്കിലും ചെയ്യുന്നില്ല?കഴിഞ്ഞ ദിവസം തന്റെ വീടിനടുത്തുകൂടെ ഒഴുകുന്ന തോടിൽ നിന്നും [...]

താറുമാറായോ നാഡീവ്യൂഹങ്ങൾ തലച്ചോറിൽ ഓർമ്മകൾ കരിഞ്ഞാകെയിരുളും പടരുന്നോ ഞാനാകെ മതിഭ്രമം പെട്ടപോലായെൻ മന- മാകവേ പ്രക്ഷുബ്ധമായെന്തിനെന്നറിവീലാ.   ചിന്തകൾക്കെന്തേ കടിഞ്ഞാൺ പോയോ, പലപ്പോഴും ചിന്തിയ്ക്കാൻ ,ഗ്രഹിയ്ക്കുവാനാകുന്നില്ലെന്താണാവോ? തനിച്ചായ്പ്പോകുന്നുവോ ഭയമൊട്ടേറുന്നുവോ തടുക്കാനാകുന്നില്ലെൻ തിടുക്കും കൂടുന്നുവോ?   പതുക്കെ മറവി തൻ മാറാല ചൂഴുന്നുവോ? എനിയ്ക്കു ഭയം കൂടുന്നെൻഭാവിയറിയവേ മരിയ്ക്കാൻ മോഹം, പക്ഷേ ജീവിയ്ക്കാനതിമോഹം പതുക്കെത്തിരശ്ശീലതാഴ്ന്നു വന്നീടും നേരം.   ക്ഷമിച്ചീടണം വരും നാളിലെൻ ചെയ്തിയ്ക്കെന്തു ഭവിച്ചീടിലും കുറ്റമെന്റെയല്ലറിയണം. ഒടുക്കത്തിനെക്കുറിച്ചോർത്തിടും നേരം വരും നടുക്കം ഉറക്കത്തെക്കെടുത്തും നാളെത്തവേ യെനിയ്ക്കാകില്ല ക്ഷമ [...]