വനിതാദിനത്തിന്റെ സന്ദേശവുമായി മാർച്ചു 8 ഇതാ എത്തുന്നു. ഈ പ്രാവശ്യത്തെ വനിതാദിനത്തിനൊരു പ്രത്യേകതയുണ്ടു. ശതാബ്ദിദിനമാണിക്കൊല്ലം. നമുക്കഭിമാനിയ്ക്കാൻ ഏറെയുണ്ടു,ഒരു ശതാബ്ദത്തിന്റെ നേട്ടങ്ങളുടെ കണക്കുകൾ നിരത്തുകയാണെങ്കിൽ. തുടങ്ങിയ സമയം, കാരണം, അന്നത്തെ വനിതയുടെ സാമൂഹികവും സാംസ്കാരികവും സാമ്പത്തികവുമായ നിലയിൽ നിന്നും ഇന്നത്തെ അവരുടെ നേട്ടങ്ങളിലേയ്ക്കുള്ള പ്രയാണം , എല്ലാം ശരിയ്ക്കും ശ്രദ്ധേയം തന്നെ . ഒരു പക്ഷേ വരും തലമുറകൾ എന്തിനാണു ഇങ്ങനെ ഒരു ‘വനിതാദിനം; ആഘോഷിയ്ക്കുന്നതെന്നുപോലും ചിന്തിച്ചെന്നു വരാം. കഴിഞ്ഞ 100 വർഷക്കാലത്തിനിടയിൽ കൈവരിയ്ക്കാൻ കഴിഞ്ഞ സ്ത്രീ പുരുഷ [...]
Saturday, February 13, 2010
ഒരു ഫിബ്രവരി പതിനാലു കൂടി ഇതാ അടുത്തെത്തിക്കഴിഞ്ഞു. ഇവിടത്തെ യുവതലമുറയും സന്മാർഗ്ഗവാദികളും യുവതലമുറയുടെ കണ്ണടച്ചുള്ള പാശ്ചാത്യാനുകരണഭ്രമത്തിനെതിരെ പ്രതിഷേധിയ്ക്കുന്നവരും ഒരേ പോലെ ഉറ്റു നോക്കിക്കൊണ്ടിരിയ്ക്കുന്ന ദിവസം.പ്രതിഷേധ പ്രകടനങ്ങൾക്കിടയിൽ തങ്ങളാലാവുന്ന വിധം ഈ ദിവസം കൊണ്ടാടാനുള്ള വഴി കണ്ടെത്താനുള്ള ശ്രമത്തി ലാണു ടീനേജേഴ്സ്. ഒരു ഫാഷനെന്നതിലുപരിയായി ഈ ദിവസം വളർന്നുവോ? യുവ മനസ്സുകളെ ഇത്രയും ഹഠാദാകർഷിയ്ക്കുന്ന ഈ വികാരപ്രകടനത്തിന്റെ പുറകിലെ യാഥാർത്ഥ്യമറിഞ്ഞു തന്നെയുള്ള ഒരു ആഘോഷമാണോ അതോ പുറം പൂച്ചുകളിലെ തിളക്കത്തിൽ ആകർഷിതരായി ഞങ്ങളും പുറകിലല്ലെന്നു വിളിച്ചു പറയുന്നതരം [...]
മഹ്രാരാഷ്ട്രയിലെ തിരഞ്ഞെടുപ്പിന്റെ ലഹളയും കോൺഗ്രസ്സ്-എൻസിപി മന്ത്രിസഭ രൂപീകരിയ്ക്കലുമായിരുന്നു കഴിഞ്ഞ കുറച്ചു കാലമായി ഇവിടത്തെ ഏറ്റവും വലിയ സംഭവവികാസങ്ങൾ. മുംബെയിൽ അശോക് ചവാൻ പുതിയ മുഖ്യമന്ത്രിയായും ഛഗൻ ബുജ്ബൽ ഡെപ്യൂട്ടിയുമായി നവംബർ ആദ്യവാരത്തിൽ പുതിയ മന്ത്രി നിലവിൽ വരുന്നതിനു മുൻപായി അരങ്ങേറിയ നാടകങ്ങൾ സത്യപ്രതിജ്ഞ മറാഠിയിൽ പറയാത്തതിനെത്തുടർന്നുണ്ടായ കയ്യാംകളി തുടങ്ങി രാഷ്ട്രീയ രംഗം സജീവമായിത്തന്നെയിരുന്നു. രണ്ടാഴ്ച്ചയിലധികം നീണ്ടു നിന്ന ഉദ്വേഗജനകമായ മന്ത്രിസഭാരൂപീകരണത്തിനു ശേഷം വാക്കു തർക്കങ്ങൾക്കു അങ്ങിനെ ഒരു വിരാമമായി.
മുംബൈ എന്നും രാജ്യത്തിന്റെ വിവിധ കോണുകളിലെ ജനങ്ങൾക്കു ഒരാകർഷണകേന്ദ്രം [...]
Saturday, November 7, 2009
മഹാനഗരിയിൽ നടക്കുന്ന ചില രസകമായ സംഭവങ്ങൾ ശരിയ്ക്കും നമ്മുടെ കണ്ണു തുറക്കാനുതകുന്നവയാണു. അവയിലൊന്നാണു ‘THE WALL PROJECT” .പലതരം ചിത്രങ്ങളാലും എഴുത്തുകളാലും വികൃതമാക്കപ്പെട്ടവയും അതിസുന്ദരമായ കലാസൃഷ്ടികളാൽ വർണ്ണപ്രപഞ്ചം സൃഷ്ടിച്ചവയും ആയ ചുമരുകൾ പല സ്ഥലത്തും നാം കണ്ടിട്ടുണ്ടാകാം. മുംബെയിൽ റോഡരികിലെ പല ചുമരുകളും മനുഷ്യന്റെ മൂത്രവിസർജ്ജനത്താലും മുറുക്കിത്തുപ്പലിനാലും മലീമസമായിട്ടാണു കാണാറുള്ളതു. നഗരത്തിന്റെ മുഖഭാവത്തെത്തന്നെ ഇതു വികൃതമാക്കുന്നു. പല തരം താക്കീതുകളും പിഴകളും വിളംബരം ചെയ്തെങ്കിലും ഒരു ഫലവും കാണാഞ്ഞു മുംബൈ മുനിസിപ്പാലിറ്റി കണ്ടെത്തിയ ഒരു പുതിയ ഉദ്യമമാണു [...]
Tuesday, September 29, 2009
നാട്ടിലാണെങ്കില് 3 ദിവസത്തെ സരസ്വതി പൂജയും അമ്പലത്തില് പോക്കും പതിവുണ്ടു. ഇവിടെ നവമി ദിനത്തില് രാത്രി എല്ലാം സജ്ജമാക്കി വയ്ക്കും . വിജയദശമി ദിവസം രാവിലെ കുളിച്ചു വന്നു സരസ്വതീ വിഗ്രഹത്തിനു മുന്പില് വിളക്കു കത്തിച്ചു സരസ്വതീ പ്രര്ത്ഥനയും അരിയില് എഴുതലും ഒരിയ്ക്കലും മുടക്കാറില്ല. എന്റെ കുട്ടികളും വളരെയേറെ ഇഷ്ടപ്പെട്ടു പൂര്ണ മനസ്സോടെ ചെയ്യുന്ന ഒരു കാര്യമാണിതു. മുഴുവന് വര്ഷം ഇതിന്റെ ഫലം കിട്ടുമെന്ന വിശ്വാസമാണുളളതു.അക്ഷരങ്ങളുടെയും കലയുടെയും ലോകത്തു തിളങ്ങാനായി അനുഗ്രഹം തേടല്. തമസോ മാ ജ്യോതിര്ഗമയാ…
അഷ്ടമി [...]
Saturday, September 26, 2009
ഇന്നു ദുര്ഗ്ഗാഷ്ടമി. ഉത്തരേന്ത്യക്കാര്ക്കു ഏറ്റവും പ്രാധാന്യമുള്ള ദിനം. ഇന്നിവിടെ മിക്കവാറും പന്തലുകളില് രാവിലെ മുതല് വൈകീട്ടു വരെ പൂജകളും മന്ത്രങ്ങളും ആയിരുന്നു. അവസാന ദിവസങ്ങളിലാണു ഭക്തിയും ഉത്സാഹവും എല്ലാം കൂടുന്നതു. ഇന്നു മുതല് നാട്ടിലും സരസ്വതി പൂജയാണല്ലോ? നാട്ടിലെ അടച്ചു പൂജയും മൂന്നു നേരത്തെ നിവേദിയ്ക്കലും ഒക്കെ ഓര്മ്മ വന്നു.
സന്ധ്യാസമയത്തു ഒന്നു നടക്കാന് പോയി. റോഡിന്റെ രണ്ടു വശത്തുമുള്ള കാഴ്ച്ചകള് നല്ല ഭംഗി തോന്നി. എവിടെയും പൂജാവസ്തുക്കളും അലങ്കാരസാമഗ്രികളും പൂക്കളും പലതരം പഴങ്ങളും മാത്രം.വെളിച്ചത്തില് അവയെല്ലാം വെട്ടിത്തിളങ്ങി.. [...]
Friday, September 25, 2009
നവരാത്രിയുടെ സമയത്തു മുംബൈയിലുള്ള മഹാരാഷ്ട്രീയരും അവരുടെ ഗ്രാമങ്ങളില്പ്പോയി കുടുംബത്തിലെ പൂജകളില് ഭാഗഭാക്കാകുന്നു. പൂക്കളും പലതരം ഫലവര്ഗ്ഗങ്ങളും, തുണികളുമെല്ലാം ഇവിടെ നിന്നും കൊണ്ടു പോകുന്നു. പലതരം പൂജാദ്രവ്യങ്ങള്ക്കൊപ്പം ദേവിയ്ക്കു ചാര്ത്താനായി ( ഇതിനു ‘ഓട്ടി ഭര്ന” എന്നാണു പറയുക) മിന്നുന്ന ഒരു കസവുള്ള തുണി, ബ്ലൌസ് തുണി, നാളികേരം, മഞ്ഞള്-കുങ്കുമം, വെറ്റില- അടയ്ക്ക, നാണയം, പഴവര്ഗ്ഗങ്ങള്, നവധാന്യങ്ങള് എല്ലാമടങ്ങിയ പാക്കറ്റ് വാങ്ങുന്നു. ബന്ധുക്കാളുടെ ഗൃഹത്തില്പൂജയ്ക്കായി വിളിച്ചാലും ഇതു നല്കും..മഹാരാഷ്ട്രയിലെ ഉള്നാടന് ഗ്രാമങ്ങളിലും9 ദിവസത്തെ പൂജയും നൃത്തോത്സവവും കണ്ടു വരുന്നു.
എല്ലാ [...]
Thursday, September 24, 2009
ഇന്നു ഷഷ്ടി. ഗര്ബ ഡാന്സിനേക്കുറിച്ചും ദാണ്ഡിയാരാസിനെക്കുറിച്ചും പറഞ്ഞെങ്കിലും ദിനങ്ങളുടെ പ്രാധാന്യത്തെക്കുറിച്ചെഴുതാന് വിട്ടുപോയി. പ്രതിപദം, ദ്വിതീയ, തൃതീയ എന്ന ആദ്യത്തെ 3 ദിവസങ്ങള് മനസ്സിലേ മാലിന്യങ്ങളെ മാറ്റി പരിശുദ്ധമാക്കിത്തരാന് ദുര്ഗ്ഗ/കാളി/ പാര്വതിയെ ഭജിയ്ക്കുന്നു. ഈ ദിവസങ്ങളില് കുടുംബത്തിലെ ആരോഗ്യത്തിനും ശാന്തിയ്ക്കുമായി പ്രാര്ത്ഥനകളും ഉപവാസവും നിവേദിയ്ക്കലും ചെയ്യുന്നു. പിന്നീടു വരുന്ന ചതുര്ഥി, പഞ്ചമി, ഷഷ്ടി എന്നീ ദിവസങ്ങളില് സമ്പദ് സമൃദ്ധിയുടെ മൂര്ത്തീരൂപമായ ലക്ഷ്മീദേവിയെയാണു ഉപാസിയ്ക്കുന്നതു. ലക്ഷ്മീ സ്തുതികളും ഉപവാസവും ഈ ദിവസങ്ങളിലും ഉണ്ടു. രംസാന് കാലത്തിന്റെ ഉപവാസം കഴിഞ്ഞതേയുള്ളൂ ഇവിടെ. [...]
Wednesday, September 23, 2009
മുംബൈയില് പതിനായിരത്തിലധികം നവരാത്രി മണ്ഡലങ്ങള് ഉണ്ടു. ഓരോ ഏരിയയ്ക്കും അതിന്റേതായ തനതായ പ്രത്യേകതകളോടു കൂടിയവ. പലതും ഹൌസിംഗ് കോളനികളില് അഥവാ പ്രധാനപ്പെട്ട നാല്ക്കവലകളില് ആയിരിയ്ക്കും. ഇവയിലെല്ലാം തന്നെ നല്ല കളിക്കാര്ക്കും നല്ല ചമയങ്ങള്ക്കും സമ്മാനം സ്പോണ്സര് ചെയ്യാനായി ആരെങ്കിലുമൊക്കെ കാണും. കൂടാതെ സമീപത്തുള്ള വീടുവീടാന്തരം കയറി പിരിവുമെടുക്കും. എല്ലാവര്ക്കും ഏറ്റവുമധികം പങ്കെടുക്കാന് ആഗ്രഹമുള്ള മൂന്നു നവരാത്രി മണ്ഡലങ്ങള് ഫാല്ഗുനി പഥക്കിന്റെ ഗോരേഗാവ് ഈസ്റ്റിലെ യും, പിങ്കി-പ്രീതിയുടെ അന്ധേരി വെസ്റ്റിലേയും മൂസ പൈക്കെയുടെ കാന്ഡിവിലി വെസ്റ്റിലേയുമാണു. അത്ഭുതം തോന്നുന്നു, [...]
Wednesday, September 23, 2009
ഇന്നലെ ഒരു ഒച്ചയും അനക്കവും ഇല്ലായിരുന്നെന്നു പറഞ്ഞല്ലോ?കൂട്ടത്തില് മഴയും ഉണ്ടായിരുന്നു. എന്തു പറ്റിപ്പോയെന്നു കരുതി. കുട്ടികള് രണ്ടു പേരും പെരുന്നാള് പ്രമാണിച്ചു കൂട്ടുകാരെ വിഷ് ചെയ്യാനും പെരുന്നാള് സ്സദ്യയില് പങ്കെടുക്കാനുമായി പോയിരിയ്ക്കയായിരുന്നു. മഴ ഏതാണ്ടു മാറിയെന്നു തോന്നിയതിനാല് പതിവു പോലെ നടക്കാനിറങ്ങി. പുറത്തിറങ്ങിയപ്പോള് പലസ്ഥലങ്ങളില് നിന്നുമായി പാട്ടും കൊട്ടും കേള്ക്കാനായി. മഴ കുറേശ്സെ പെയ്യുന്നുണ്ടായിരുന്നു. പക്ഷെ നവരാത്രി ഗര്ബയ്ക്കു മുടക്കമൊന്നുമില്ലെന്നു കണ്ടു സന്തോഷം തോന്നി.
നടക്കുന്നതിനിടയില് കണ്ട ഒരു കൂട്ടുകാരിയുമായി സംസാരിച്ചപ്പോള് വീടിന്റെ മുന്ഭാഗത്തുള്ള പന്തലില് നിന്നും യാതൊരു [...]