Daily Archives: Tuesday, March 11, 2008

പ്രതീക്ഷകള്‍……..

Posted by & filed under കവിത.

പ്രതീക്ഷകള്‍ ജീവിത സ്വാര്‍ത്ഥകത്തിനായ് പ്രപഞ്ച്സത്യം,നിറമൊട്ടു കൂടിടും വിടര്‍ന്നൊരിന്നിന്‍പുറമെന്തു, കണ്ടീടാ- നൊരൊട്ടു ജിജ്നാശ,യതൊന്നു മാത്രം! കഴിഞ്ഞകാലത്തിനു മാറ്റു പോരെ– ന്നൊരുത്തനോതി,യിതു മാറ്റിടേണം അതിന്നു നൂറായിരമുണ്ടുകാരണം അതിന്നു ശേഷം സുഖമൊന്നു നേടിടാം. ഇതായിടാം മര്‍ത്ത്യനു തന്റെയിസ്ഥിതി- യ്ക്കതീമായെന്തുമതൊട്ടു നേടിടാ- നൊരാര്‍ത്തി, നാളെയ്ക്കു പ്രതീക്ഷ, നന്നായ് വരാന്‍,മുറയ്ക്കിന്നു നടപ്പതിന്നായ്! അറിഞ്ഞിടൂ കൂട്ടരെ,സ്വപ്നമില്ല, പ്രതീക്ഷ തെല്ലും ഭുവനത്തിലെങ്കില്‍ നരന്റെ മോഹത്തിനു മാറ്റു കൂട്ടും കടും പ്രയത്നം കണി കാണ്മതാമോ?