Daily Archives: Thursday, March 20, 2008

യാത്രാമൊഴി

Posted by & filed under കവിത.

ഇവിടെക്കൊഴിഞ്ഞൊരുപൂവിന്നലെയൊരു മധുരക്കനവിനെച്ചുട്ടെരിച്ചും ഒരുപാടു നൊമ്പരമേകിയുമെന്തിനോ കരയിച്ചു നമ്മളെയൊക്കെ കഷ്ടം! പറയുവാനില്ലെനിയ്ക്കെന്തുമേ നിന്നോടു പരിഭവമോതിയിട്ടെന്തു നേടാന്‍? കരയല്ലെയെന്നു നിന്‍ പ്രിയനോടു ചൊല്ലിടാ- നരുതില്ലതാവതില്ലൊട്ടു പോലും! അരുമക്കിടാവിനെ കാത്തു സൂക്ഷിച്ചിത്ര മണിപോല്‍ക്കരുതിയ മാതൃരൂപം കഴിയില്ല കണ്ണാല്‍,മനസ്സിനാല്‍ കാണുവാ- നൊരുപോള കണ്ണടച്ചീടുവാനും! ഇവിടെ നീ ദു:ഖത്തിലാഴ്ത്തിയവര്‍ക്കെല്ലാ- മരുളട്ടെ ദൈവം, സഹനശക്തി. കരയല്ലെയെന്നു പറഞ്ഞിടുന്നാരുമേ- യറിയാതെ ഞാനും കരഞ്ഞിടട്ടേ!