ഓണം വന്നല്ലോ ആയിരമോര്‍മ്മക- ളോടിയെത്തിമനസ്സില്‍ നീളെ പൂക്കള്‍ വിരിയിച്ചു നില്‍ക്കുന്ന നാടിന്‍ കൊച്ചു വഴികള്‍ കൂടെക്കൂടെയുയര്‍ന്നു വരുന്നൂ‍ പൂവിളികള്‍ തന്‍ നാദം തോളില്‍ കയ്യിട്ടു കൂട്ടുകാരൊത്തു ഞാന്‍ തേടിപ്പൂക്കളെയെത്ര ഓണത്തപ്പനെ മണ്ണിനാല്‍ തീര്‍ക്കുമ്പോള്‍ കൂടെ നില്‍ക്കാറുമുണ്ടേ! നാടിന്‍ മുക്കുകളെല്ലാം നിറഞ്ഞു മോടിയാകുന്ന കാലം മേലെയങ്ങാടി കാണാന്‍ കുതുകം നീളെത്തൂങ്ങും കുലകള്‍ ഒട്ടുമോഹത്താല്‍കാത്തുനില്‍ക്കും ഞാന്‍ പട്ടുടുപ്പൊന്നു കിട്ടാന്‍ അച്ഛനോടു കിണുങ്ങും പുതിയ കൊച്ചൂഞ്ഞാലൊന്നു കെട്ടാന്‍ മുറ്റത്തെമാങ്കൊമ്പിലുയരും കൊച്ചൂഞ്ഞാലെന്തു ഭംഗി! ഉറ്റതോഴരുമൊത്തു ഞാനെത്രയോ ഒച്ചവച്ചൂഞ്ഞാലാടി? ഓണത്തപ്പനു [...]

തീക്ഷ്ണമാം വാക്കുക്കളെന്തിനാണി- തോര്‍ക്കുക, മെല്ലെപ്പറയേണ്ടതു മൊന്നു കയര്‍ത്തു പറയുന്നതു മുണ്ടന്തരം, തരം നോക്കിടണം. താനിരിയ്ക്കേണ്ട സ്ഥലത്തിന്‍ വില താന്താനിടുന്നെന്നറിഞ്ഞതില്ലേ? ഒട്ടുമൃദുവായി ചൊല്ലിയെന്നാല്‍ ഒട്ടേറെ നന്നായി , യില്ലയെന്നാല്‍ ഒട്ടുവില പോകുമെന്നകാര്യ- മൊട്ടും നിനച്ചതില്ലേ മനസ്സില്‍ കഷ്ടം! നിരൂപിച്ചാല്‍ ദു:ഖമുണ്ടു കുഷ്ഠം മനസ്സിനു തന്നെയെന്നാല്‍ ഒട്ടു പഠിച്ചിട്ടുമെന്തു കാര്യം? ചിട്ട പഠിച്ചില്ലയെങ്കില്‍ പിന്നെ! ഒട്ടു വായിച്ചിട്ടുമെന്തു കാര്യം? ഒട്ടുമേയില്ല സംസ്കാരമെങ്കില്‍! ഒട്ടങ്ങെഴുതീട്ടുമെന്തു കാര്യം? തട്ടുന്നതില്ല മനസ്സിലെങ്കില്‍! ഉണ്ടഹങ്കാരമതെങ്കില്‍ നിന- ക്കുണ്ടായിടാം പതനമതു നിന്ദയെപ്പാരമകറ്റി നിര്‍ത്താന്‍ ചിന്ത വഴി തെളിച്ചെങ്കില്‍ [...]

ഒന്നു കരയുവാന്‍ മോഹം ഇല്ലിന്നു കണ്ണീരതിന്നായ് ഉള്ളില്‍ നിറഞ്ഞിതു നില്‍പ്പൂ എന്തെന്തു ചൊല്ലിടാനാകാ! എന്തേ നിന്‍ കണ്ണിലും ദു:ഖം? എന്തിനായ് വ്യര്‍ത്ഥമോഹങ്ങള്‍? നിന്‍യുവത്വത്തിന്റെ ശാപം നിന്നെപ്പിരിയില്ല നൂനം ഒന്നീണമേകാതെ പോയോ? ഒന്നുമേയോതാതെ പോയോ?? ഇല്ല പരിഭവിച്ചില്ല  തെല്ലും മനസ്സിനകത്തും പാടാന്‍ മറന്നൊരീ പാട്ടു  ചേലുറ്റ താരാട്ടായ് മാറി കാണാന്‍ കൊതിയ്ക്കുന്നു ഞാനും കാതരയെന്‍ മോഹമിന്നും എന്റെ മധുരമാം ചിന്ത എന്നും വ്യഥയെനിയ്ക്കേകി ഇല്ല ഞാനര്‍പ്പണമാര്‍ക്കും ഇല്ല വൈരൂപ്യം മനസ്സില്‍ വന്നു, കണ്ടു, കീഴടക്കി ഇന്നലെയെന്നപോലോര്‍പ്പു ഒന്നു തുറന്നു ചോദിയ്ക്കാന്‍ എന്‍ [...]