Daily Archives: Tuesday, December 30, 2008

ഹാപ്പ്യ് ന്യൂ ഇയര്‍ മുംബൈ…

Posted by & filed under മുംബൈ ജാലകം.

ഹാപ്പി ന്യൂ ഇയര്‍ മുംബൈ….. ] കഴിഞ്ഞ ഒരു വര്‍ഷം മുംബൈ വളരെയേറെ സഹിച്ചു. 2008 തുടങ്ങിയതു തന്നെ പല വേദനിപ്പിയ്ക്കുന്ന വാര്‍ത്തകളുമായാണു. കടന്നു പോയതോ ഒരു വലിയ മുറിവുണ്ടാക്കിയിട്ടും. ഒരുപാടു കഷ്ടതകള്‍ തന്ന 2008 വേഗം കടന്നുപോകട്ടേയെന്നാശിയ്ക്കുകയാണു മുംബൈ. പുതുവത്സരത്തില്‍ എല്ലാം നല്ലതുമാത്രം വരട്ടെയെന്നു പ്രത്യാശിയ്ക്കുകയും.  കഴിഞ്ഞ വര്‍ഷപ്പുലരിതന്നെ മുംബൈ കാണാത്ത ദൃശ്യങ്ങളാണു കാണിച്ചുതന്നതു. പുതുവത്സരമാഘോഷിയ്ക്കുന്നതിനിടയില്‍ സ്ത്രീകള്‍ക്കു നേരിടേണ്ടിവന്ന ആക്രമണം. ഇങ്ങനെയൊന്നു പൊതുവേ മുംബൈയില്‍ പതിവുള്ളതല്ല. അല്ലെങ്കിലും സ്ത്രീകള്‍ക്കു പഴയതുപോലെ സുരക്ഷിതത്വമില്ലെന്നു തോന്നിത്തുടങ്ങിയിരുന്നു. മതപരമായും രാഷ്ട്രീയപരമായും […]

ഗുണകാംക്ഷികള്‍

Posted by & filed under കവിത.

ഒരു സ്വപ്നതലത്തിലാരെയോ ഒരു നോക്കു വിരുന്നു വന്നപോല്‍ ഹതഭാഗ്യ ലഭിച്ചു ദര്‍ശനം സ്മൃതിയിന്നതു വന്നതെന്തിനോ? ഇടവേള കഴിഞ്ഞിതോര്‍മ്മയെന്‍ തുടികൊട്ടിനു താളമേകിയോ? അരുതാത്തവികാരമെന്നെയി- ന്നെവിടെയ്ക്കു വലിച്ചിടുന്നിതോ? ഇടയില്ലയെനിയ്ക്കു നിര്‍ണ്ണയം കഠിനം, കഥ കേട്ടവാറെ ഞാന്‍ അതിദു:ഖിത, മൂകയായി ഞാന്‍ മനമൊട്ടു പിടഞ്ഞതെന്തിനോ? സുഖലോലുപതയ്ക്കു മര്‍ത്ത്യനെ- ക്കഴിവാകുമൊരൊട്ടു മാറ്റുവാന്‍ കരയുന്നുവതെങ്കിലും മനം കുതികൊള്‍വതിനെന്തു കാരണം. അറിവില്ല സഖേ നിനക്കു ഞാന്‍ പറയുന്നതു ദുസ്സഹം വരാം ഒരുവേള വരുന്നതൊക്കെയും ഇനി നിന്റെ ഗുണത്തിനായിടാം.