Home –  Archive
Monthly Archives: Aug 2009

FOUR MINUTES, EAGLE EYE & SMOKIN’ ACES

ഈയാഴ്ച്ച ബോറടിയില്‍ നിന്നും രക്ഷപ്പെടാനായി കണ്ട സിനിമകളാണു ഫോര്‍ മിനറ്റ്സ്, ഈഗിള്‍ ഐ, സ്മോക്കിംഗ്  ഏസെസ്  എന്നിവ.

ഫോര്‍ മിനറ്റ്സ്:(2006)

ജര്മ്മന്‍ ഫിലിം, ഡയറക്ഷന്‍ Chris Kraus,ശക്തിമത്തായ കഥാതന്തു, ഭാവജനകമായ അഭിനയം. പല പാളിച്ചകളും പ്രധാന കഥാപാത്രങ്ങളുടെ തന്മയത്വം നിറഞ്ഞ അഭിനയത്തിളക്കത്തില്‍  ശ്രദ്ധിയ്ക്കപ്പെടാതെ പോയെന്നു പറയാം. 80 വയസ്സായ പിയാനോ ഇന്‍സ്ട്രക്ടരുടെ (Traude Krueger byMonica Bleibetru)യും ചെരുപ്പക്കാരിയായ തടവുവുകാരിയുടെയും (Jenny von Loeben  Hannah Herzsprung),മുഖങ്ങളും ഭാവങ്ങളും ഒട്ടേറെ നേരത്തെയ്ക്കു മനസ്സില്‍ നിന്നും നീക്കാനായില്ല. 60 വര്‍ഷത്തിലധികം തടവുകാരെ പിയാനോ വായിയ്ക്കാന്‍ പഠിപ്പിച്ച മിസ് ക്രൂഗര്‍ , പുതിയ പിയാനയുടെ നാദത്തിലുണര്‍ന്ന അക്രമാസക്തയായ  തടവുകാരി, പിയാനോ ക്ലാസ്സുകള്‍, മത്സരം, ജയിലിനകത്തെ കള്ളക്കളികള്‍, അസൂയയില്‍ നിന്നും ഉടലെടുത്ത പ്രവൃത്തികള്‍,ലെസ്ബിയനിസത്തിന്റെ ലാഞ്ചന കലര്‍ന്ന ഫ്ലാഷ് ബാക്കുകള്‍, മനോഹരമായ സംഗീതം എന്നിവ ഈ പടത്തിന്റെ പ്രത്യേകതകളായി കാണാം. വിവിധവികാരങ്ങളുടെ ഒരു വേലിയേറ്റം തന്നെയാണു അഭിനേതാക്കള്‍ കാഴ്ച്ച വച്ചതു. കഥ ശ്രദ്ധിയ്ക്കപ്പെട്ടതും അതുകൊണ്ടു തന്നെ.ഇദ്ദേഹത്തിന്റെ സിനിമാരംഗത്തെ രണ്ടാമത്തെ ശ്രമമാണിതു.

റെറ്റിംഗ്: തരക്കേടില്ല. കണ്ടിരിയ്ക്കാം. വികാര നിര്‍ഭരമായ അഭിനയ  പ്രകടനങ്ങള്‍ നിങ്ങള്‍ക്കു ഇഷ്ടമായെന്നു വരാം. കണ്ടു നോക്കൂ..

ഈഗിള്‍ ഐ:(2008)

Director: D.J. Caruso നിര്‍ദ്ദേശം നല്‍കിയ ഈ പടം പ്രത്യ്യേകിച്ചു എടുത്തു പറയത്തക്ക സവിശേഷത  ഉള്ള ഒന്നായി തോന്നിയില്ല. പൊതുവേ കഥ തന്നെ വളരെ ദുര്‍ബലമായാണു തോന്നിയതു. Jerry Shaw (Shia laBeouf),Rachel Holloman( Michelle Monaghan) എന്ന രണ്ടു പേര്‍ ഒരു  അജ്ഞാത സ്വരത്തിന്റെ ഉടമായായ സ്ത്രീയുടെ ഫോണ്‍ കോളുകള്‍ക്കനുസരിച്ചു  ഒഴിച്ചു കൂടാനാവാത്ത പരിതസ്ഥിതിയില്‍ പരസ്പരം കണ്ടുമുട്ടാനും സഹായിയ്ക്കാനും നിര്‍ബന്ധിതരാകുന്നതുംപല അപകടസന്ദര്‍ഭാണ്‍ഗളേയും തരണം ചെയ്യുന്നതുമാണു കഥ.ആക്ഷന്‍ മൂവി തന്നെ. പക്ഷേ ടെക്നോളജിയുടെ പല  പുതിയ വശങ്ങാളെയും ഇതില്‍ കാണിച്ചിരിയ്ക്കുന്നു. വിശ്വാസജനകമായി തോന്നുകില്ലെന്നു മാത്രം.
റേറ്റിംഗ്;  ഇതു കണ്ടില്ലെങ്കിലും കുഴപ്പമില്ല. വേറെ പണിയൊന്നുമില്ലെങ്കില്‍ ടൈ പാസ് മാത്രം.

സ്മോക്കിംഗ് ഏസസ്:(2006)

Director :Joe Carnahan

Buddy ‘Aces’ Israel(Jeremy Piven)എന്ന മജീഷ്യനെ കരുവാക്കി  Mafia chief Sparazza കളിയ്ക്കുന്നകളികള്‍, അതിലൂടെ അവസരങ്ങള്‍ കണ്ടെത്തുന്ന F.B.I, അധോലോകത്തിലെ ഗുണ്ടകള്‍,ഇരുതലക്കത്തികള്‍,വാടക്കൊലയാളികള്‍‍, അവസരത്തിനെ മുതലെടുക്കാനറിയുന്ന തെരുവു വേശ്യകള്‍ എന്തിനേറെ..ഒരു വയലന്റ് സെറ്റപ്പില്‍ ആകെക്കൂടി ബഹളമയമായ ഒരു ഫിലിം എന്നേ ഇതിനെ പറയാനാകൂ.ബെന്‍ അഫ്ലക്, ആന്‍ഡിഗ്രേഷ്യ എന്നിവരും രംഗത്തുണ്ടു. ആസ്വാദജനകമായി ഒന്നും തന്നെ ഇതിലില്ല. നിര്‍ദ്ദേശകന്‍ തന്നെ എഴുതിയ കഥ അവതരണത്തില്‍പറ്റിയ പാളിച്ചയാലാകാം അത്ര ഉയര്‍ന്ന നിലവാരം പുലര്‍ത്തിയില്ല.സെക്സ്, ഡ്രഗ്, മാഫിയ, ഗണ്‍, വയലന്‍സ്, എഫ്.ബി.ഐ. , ഉള്ളിലെ കള്ളക്കളികള്‍ തൂടങ്ങിയവയെല്ലാം ആവശ്യ്യാനുസരണം ഉപയോഗിച്ചിട്ടും കഥയ്ക്ക് വേണത്ര ക്ലാരിറ്റി കിട്ടിയില്ല. എവിടെയെല്ലാമോ ഒഴുക്കു നഷ്ടപ്പെട്ടതുപ്പൊലെ.അതൊ കഥയുടെ അവ്യക്തതാരൂപമോ അറിയില്ല.

റ്റിംഗ്;

ആവരേജ്..കണ്ടു നോക്കൂ..

SAIL ing to Karnala -…പന്നിപ്പനിയുടെയും മഴക്കുറവിന്റേയും ആശങ്കയ്ക്കൊപ്പം‍…

മുംബൈറ്റി എന്നും കാത്തിരിയ്ക്കുന്ന ഒന്നാണു മഴക്കാലത്തെ പിക്നിക്.  കോരിച്ചൊരിയുന്ന മഴയില്‍ കുതിര്‍ന്നു വെള്ളത്തില്‍ കളിച്ചു രസിച്ചു പിന്നീടു ചൂടുള്ള ഭക്ഷണം കഴിച്ചു സൊറ പാഞ്ഞു സുഖകരമായ നിദ്രയിലേയ്ക്കു വഴുതി വീഴാനും പിറ്റേന്നു അതിന്റെ ആലസ്യത്തില്‍ തിരിച്ചു മുംബയിലേയ്ക്കു വരാനും. അടുപ്പിച്ചു കിട്ടുന്ന രണ്ടു മുടക്ക ദിവസങ്ങളുടെ മാത്രം ആവശ്യമേ ഉള്ളൂ.  നഗരപരിധിയ്ക്കപ്പുറമുള്ള പച്ചപ്പു കലര്‍ന്ന ജലാശയമുള്ള ഏതു സ്ഥലവും അവര്‍ക്കു അഭികാമ്യം തന്നെ!

രണ്ടു മാസം മുന്‍പു തന്നെ അടുപ്പിച്ചു വരുന്ന 3 ഒഴിവു ദിനങ്ങളെ മുതലെടുക്കാനായി ലോണവാലയില്‍ ബുക്കിംഗ് ചെയ്തിരുന്നുവെങ്കിലും മഴയുടെ അഭാവം അതിന്റെ രസമില്ലാതാക്കിയതിനാല്‍ കാന്‍സല്‍ ചെയ്തിരിയ്ക്കയായിരുന്നു. പുനെ പരിസരത്ത്തെ പടര്‍ന്നു പിടിച്ചു കൊണ്ടിരിയ്ക്കുന്ന പന്നിപ്പനി ഉള്ള ഉത്സാഹത്തെക്കൂടി ഇല്ലാതാക്കി. മുംബൈ കഴിഞ്ഞ 25 -30 വര്‍ഷത്തിനുള്ളില്‍ ഒരിയ്ക്കല്‍ പോലും കാണാത്ത കാലാവസ്ഥയുമായി ദിവസം നീക്കുന്നു. മഴ ഇല്ലെന്നു മാത്രമല്ല, അസഹനീയമായ പുഴുക്കവും അനുഭവപ്പെട്ടു വരുന്നു. ഒന്നു രക്ഷപ്പെടാനൊരു മാര്‍ഗ്ഗവും കാണാതിരിയ്ക്കുമ്പോഴാണു കര്‍ണാല ട്രിപ്പിനുള്ള ക്ഷണം കിട്ടിയതു. കര്‍ണല ഫോര്‍ട്ടും, പക്ഷി സങ്കേതവും, വാട്ടര്‍പാര്‍ക്കുകളും, പ്രകൃതി രമണീയമായ  ദൃശ്യങ്ങളും മനസ്സിലേയ്ക്കോടിയെത്തി. പോകാമെന്നു തന്നെ തീരുമാനിച്ചു.

SAIL officers picnic ആയതിനാല്‍ 2 ബസ് നിറയെ ആള്‍ക്കാര്‍ ഉണ്ടായിരുന്നു. രാവിലെ 8.30 നോടു കൂടി ഞങ്ങള്‍ പുറപ്പെട്ടു. കെട്ടിടത്തിനു താഴെ റ്റ്ഹന്നെ പിക്കപ് ബസ് വന്നു. ബസ് വിട്ടതും മിനറല്‍ വാട്ടര്‍, ഫ്രൂട് ജ്യൂസ്, ബിസ്കറ്റ്സ്, ഫ്രുട്സ്, കേക്, ചോക്കലേറ്റ്സ് വിതരണമായി.  പതിവുപോലെ പിന്നാലെ അന്താക്ഷരി.  പല പോയറ്റുകളില്‍ നിന്നുമായി കൂടുതല്‍ പേര്‍ കയറിയപ്പോള്‍ ബസ് ഫുള്‍ ആയി. ബസ് മുംബൈ വിട്ടു, നവി മുബൈയിലേയ്ക്കു പ്രവേശിച്ചു. പിന്നീടു പന്‍ വേലും  അതിനുമപ്പുറം കര്‍ണാലയുമായി.

കര്‍ണാലയെക്കുറിച്ചല്‍പ്പം പറയാം..ഈ സ്ഥലം സ്ഥിതിചെയ്യുന്നതു മുംബൈ- പുനെ ഹൈവേയില്‍ ഗോവ റൂട്ടിലാണു. നവിമുംബൈയ്ക്കുശേഷം വരുന്ന പന്‍ വേല്‍ താലൂക്കിലെ  റെയ് ഗഢ്  ജില്ലയിലാണിതു. പ്രസിദ്ധമായ  ഹില്ല് സ്റ്റേഷന്‍  ആയ മാത്തേരന്‍ ഇവിടെ അടുത്തു തന്നെ യാണ്. മുംബൈറ്റിയുടെ സ്ഥിരവും സ്വന്തവുമായ ഹില്‍ സ്റ്റേഷന്‍ എന്നിതിനെ വേണമെങ്കില്‍ പറയാം. ട്രെക്കിങ്ങിനും പ്രകൃതിയുടേ സൌന്ദര്യം നിറഞ്ഞ നദികളും, ഗുഹകളും നിറഞ്ഞ മുംബൈ സബര്‍ബ് ആയ കര്‍ജത്ത് ഇവിടെ അടുത്തു തന്നെയാണു. 475 മീറ്റര്‍ ഉയരത്തില്‍ സ്ഥിതിചെയ്യുന്ന പര്‍വ്വതാഗ്രത്തോടുകൂടിയ കര്‍ണാല ഫോര്‍ട്ടും അതിനു ചുറ്റുമുള്ള നിബിഡമായ വനപ്രദേശമായ കര്‍ണാല പക്ഷീനിരീക്ഷണ കേന്ദ്രവും പേരു കേട്ടതാണു. ഈ സ്ഥലം ഇന്തയിലെ, മഹാരഷ്റ്റ്രയിലെ ണഷണല്‍ പാര്‍ക്കുകളില്‍ ഒന്നും കൂടിയാണു. (മുംബൈയില്‍ ബോറിവിലിയ്ക്കടുത്താണു സഞ്ജയ് ഗാന്ധി നാഷണല്‍ പാര്‍ക്കു.). പലതരത്തിലുള്ള പക്ഷികളും മൈഗ്രേറ്ററി പക്ഷികളും ഇവിടെ കാണാനാകും.

10 മണിയോടെ ഞങ്ങള്‍ ഇവിയടുത്തു തന്നെയുള്ള പനോരമിക് റിസോര്‍ട് & വാട്ടര്‍ പാര്‍ക്കില്‍ എത്തി. മഴ അല്‍പ്പം പൊടിഞ്ഞിരുന്നതിനാല്‍ നേരെ ഹാളില്‍ കയറി ഇഡ്ഡലി-വട-പൊഹ ഉപ്പുമാ അടങ്ങിയ പ്രഭാതഭക്ഷണം കഴിച്ച് ശേഷം സ്ഥലമെല്ലാം കാണാനായി പുറത്തിറങ്ങി. കുട്ടികളെല്ലാം ഉത്സാഹപൂര്‍വ്വം വെള്ളത്തിലേയ്ക്കും, ച്യൂട്ടുകളിലേയ്ക്കും ഓടി. അത്ര വലിയ വാട്ടര്‍ പാര്‍ക്കെന്നു പറയാനാവില്ലെങ്കിലും വൃത്തിയുള്ളതായി തോന്നി. ച്യൂട്ടുകള്‍, ഡ്രെഞ്ചിങ്ങ് അംബ്രെല്ലകള്‍, മ്യ്യൂസിക് & ഡാന്‍സ് ഫൌണ്ടെയിന്‍സ്, സ്വിമ്മിങ്പൂളുകള്‍ ഒക്കെ നല്ലരസമായി തോന്നി. വെള്ളം കണ്ടാല്‍ ഇവര്‍ക്കൊക്കെ എന്താണാവോ ഇത്ര ഹരം? എന്തോ അത്ര ഇഷ്ടം തോന്നിയില്ല വെള്ളത്തില്‍ നനഞ്ഞു കുളിയ്ക്കാന്‍. പന്നിപ്പനിയുടെ പേടിയും കൂട്ടിനായെത്തി. പാര്‍ക്കിന്റെ പലഭാഗങ്ങളില്‍ നിന്നുമായി നോക്കിയപ്പോള്‍ എന്നെ ഹഠാദാകര്‍ഷിച്ചതു പച്ചപ്പട്ടു പുതച്ചു ലിംഗാകൃതിയുള്ള മുനമ്പോടുകൂടി കാണപ്പെട്ട കര്‍ണാല ഫോര്‍ട് തന്നെയായിരുന്നു. എത നോക്കിയിട്ടും ഫോട്ടോ എടുത്തിട്ടും മതിയായില്ല. പ്രകൃതി രണീയത തുടിച്ചു നില്‍ക്കുന്ന ദൃശ്യം. ഫൌണ്ടനു താഴെ പാട്ടു പാടിക്കളിയ്ക്കുന്ന്തിലാണു അധികം പേരും രസാം കണ്ടെത്തിയതു. ഇഷ്ടാനുസരാണം പാട്ടു വെച്ചു കൊടുക്കുന്നതിനായി ഒരു കാബിനും ആളും ഉണ്ടു, അടുത്തു തന്നെ.
പച്ചയും  വെള്ളയും നിറമാര്‍ന്ന പെട്ടികള്‍ പോലെ വരിവരിയായിക്കണ്ട കാബിനുകള്‍ ദിവസ വാടകയ്ക്കു കിട്ടും. വൃത്താകൃതില്‍ നടുവില്‍ ലോണോടുകൂടി ധാരാള്‍ം കാബിനുകള്‍ കണ്ടു. തൊട്ടടുത്തായി ഇരുവശത്തുമായി മറങ്ങള്‍ നട്ടു പിടിപ്പിച്ച സുന്ദരമായ നടപ്പാത. ധാരാളം റോ ഹൌസുകളും അതിനെ വശങ്ങളീലായി കണ്ടു. നഗരത്തിരക്കില്‍ നിന്നും കുറച്ചു ദിവസം വിട്ടു നില്‍ക്കാനും പറ്റിയ സ്ഥലം. ഒരുട്ടം വെള്ളത്താറാവുകള്‍, അതോ ഹംസങ്ങളോ, വരിയൊപ്പിച്ചു കൂട്ടമായി നടക്കുന്നു. നല്ല കൌതുകം തോന്നി. അടുത്തു ചെന്നാലും അവയ്ക്കു പേടിയില്ല. മറ്റൊരു ഭാഗത്തായി കൂട്ടില്‍ വിശ്രമലേശമെന്യേ ഓടി നടക്കുന്ന എമു പക്ഷികള്‍ ഞങ്ങളെക്കണ്ടു ഓടി കൂടിനു അരികിലെത്തി. മനുഷ്യ സാമീപ്യം മോഹിയ്ക്കുന്നവയാണെന്നു തോന്നി. പക്ഷി സങ്കേതത്തില്‍ ഇപ്പോള്‍ പ്രധാനമായും മയിലുകള്‍ മാത്രം. മൈഗ്രേറ്ററി പക്ഷികള്‍ വരുന്ന സമയത്തു രസമായിരിയ്ക്കും. ഇപ്പോള്‍ കാണാനായി അധികമൊന്നും ഇല്ല. മഴയും ഇല്ല. പക്ഷികളും ഇല്ല.

സ്വിമ്മിംഗ് പൂളില്‍ ഇറങാന്‍ എല്ലാവരും നിര്‍ബന്ദിച്ചെങ്കിലും തണലില്‍ പൂളിനരികെ സൊറ പറഞ്ഞിരിയ്ക്കാനാണു തോന്നിയതു. ഉച്ചഭക്ഷണത്തിനു സമയാമായപ്പോള്‍ എല്ലാവരും കരയ്ക്കു കയറി. ഭക്ഷണ ശേഷം പതിവുപോലെ ഗെയിംസ്, ഹൌസി. സമയം കടന്നുപോയതറിഞ്ഞില്ല. ഉച്ചത്തില്‍ ആവേശപൂര്‍വ്വ്മുള്ള സംസാരമായിരുന്നു എവിടെയും. പിന്നലെ ചുടു ചുടാ പാവ് ഭാജിയും ചായയും. എല്ലാം കഴിഞ്ഞു തിരിച്ചു പോരുമ്പോള്‍ പലര്‍ക്കും പകുതി മനസ്സായിരുന്നു. ഒരു നല്ല പിക്നിക്കിന്റെ അവസാനം .

ഒരു ദിവസത്തിന്റെ ആഹ്ലാദത്തിമര്‍പ്പിനു ശേഷം ബസ്സിലിരുന്നു തിരിച്ചുപോരുമ്പോല്‍ എന്റെ മനസ്സില്‍ പലവിധ ചിന്തകളും തലപൊക്കി. പുനെയേയും മുംബൈയേയും ആക്രമിച്ചു കൊണ്ടിരിയ്ക്കുന്ന പനി. ഇപ്പോഴും എല്ലാവരും അതിന്റെ ഗൌരവം മനസ്സിലാക്കുന്നില്ല,. അതു എന്നെ ബാധിയ്ക്കുകയില്ലെന്ന മനോഭാവമാണു ഇപ്പോഴും എല്ലാവര്‍ക്കും. മുംബയുടെ ക്അഷ്ടകാല സമയമാണു. ഒരു കാലത്തും ഇങ്ങനെ മഴ ഉണ്ടാകാതിരുന്നിട്ടില്ല. പലപ്പോഴും വൈകിയെത്തിയിട്ടുണ്ടെങ്കില്‍ക്കൂടീ. എന്താണിതിനര്‍ത്ഥം? ഇപ്പോഴും ഇവിടെ വാട്ടര്‍ കട്ട് തന്നെ. അപ്പോല്‍ ഇനി വരുന്ന ദിവസണ്‍ഗളിലോ? പോപ്പുലേഷനാണെങ്കില്‍ ദിനം പ്രതി കൂടി വരുന്നു. പുതിയ കെട്ടിടങ്ങള്‍ ദിനം പ്രതി ഉയര്‍ന്നു വരുന്നു. എവിടെനിന്നും ഇവര്‍ക്കെല്ലാം വേണ്ട ജലം കൊടുക്കും?ഇനിയും എന്താണു ജലസംരക്ഷ്ണത്തെക്കുറിച്ചും റെയിന്‍വാട്ടര്‍ ഹാര്‍വെസ്റ്റിംഗിനെക്കുറിച്ചും ആരും ബോധവാരാകാത്തതു? വാട്ടര്‍ പാര്‍ക്കുകള്‍ അനുവദനീയമാണോ‍? പ്രത്യേകിച്ചും ഈ സാഹചര്യത്തില്‍? ഒന്നു തീര്‍ച്ച, എല്ലാ മുംബൈറ്റിയുടെയും മനസ്സില്‍ ഇന്നല്ലെങ്കില്‍ നാളെ ഈ ചോദ്യം ഉയരാതിരിയ്ക്കില്ല. ഒരു ഹോളിഡേ ആഘോഷിച്ചതിന്റെ ആവേശം അവസനിയ്ക്കുമ്പോഴെങ്കിലും….

സൌഹൃദദിനാശംസകള്‍…മുംബൈയില്‍ നിന്നും…

ഫ്രണ്ട്ഷിപ്പ് ഡെ ദിനാഘോഷങ്ങള്‍ എല്ലാ വര്‍ഷത്തെയും
ആഗസ്റ്റിലെ ആദ്യ ഞായറാഴ്ച നാം കൊണ്ടാടുന്നു. പരസ്പരം ഇ-മെയില്‍
സന്ദേശങ്ങളിലും സ്ക്രപ്പുകളിലും മാത്രം ഇതു ഒതുങ്ങുന്നതായാണു പലപ്പോഴും
കണ്ടു വരുന്നതു. ഇതിന്റെ പിന്നിലെ യഥാര്‍ത്ഥ ഉദ്ദേശ
ശുദ്ധിയെക്കുറിച്ചാരും ചിന്തിയ്ക്കുന്നില്ല. എന്നാലോ പല വിധ
ആലങ്കാരികഭാഷയിലും സൌഹൃദത്തെ നമ്മള്‍
വര്‍ണ്ണീയ്ക്കുന്നതായിക്കാണുന്നുമുണ്ടു. എത്രയൊക്കെ ശരിയാണോ എന്തോ?

ഒന്നു തീര്‍ച്ച…ആവശ്യസമയത്തു നമുക്കു സഹായത്തിനു
വരുന്നവന്‍ തന്നെ ശരിയായ സുഹൃത്തു. വെറും വാചകക്കസര്‍ത്തുകള്‍ കൊണ്ടോ
നിങ്ങളെ വലിയവനായി അംഗീകരിച്ചു തന്നതു കൊണ്ടോ ഒരാള്‍ നിങ്ങളുടെ
സുഹൃത്തായി മാറുകയില്ല. നിങ്ങളുടെ സുഖ ദു: ഖണ്‍ഗളെ അതിന്റെ ശരിയായ
രീതിയിലുള്‍ക്കൊള്ളാന്‍ കഴിയുന്നവനാകണം ഒരു ശരിയായ സുഹൃത്തു. മാത്രമല്ല,
നിര്‍ണ്ണയകരങ്ങളായ തീരുമാനങ്ങളെടുക്കേണ്ട അവസരങ്ങളില്‍
സ്വാര്‍ത്ഥതാല്പര്യം നോക്കാതെ നിണ്‍ഗളെ ഉപദേശിയ്ക്കാനും അവനു
കഴിവുണ്ടാകണം. ചണ്‍ഗാതി നന്നായാല്‍ കണ്ണാടി വേണ്ടെന്നാണു പഴമക്കാര്‍
പറഞ്ഞിരുന്നതു. അതായതു നിങ്ങളുടെ തന്നെ പ്രതിഫലനമായിരിയ്ക്കനം നിങ്ങളുടെ
ചങ്ങാതി. മാനസികമായെങ്കില്‍ക്കൂടി.

പീര്‍ ഗ്രൂപ്പിനു സ്വന്ത രക്തത്തിനേക്കാള്‍ പ്രാധാന്യം
കൊടുക്കുന്ന കാലമാണിതു. നിങ്ങളെ മറ്റുള്ളവര്‍ അളക്കുന്നതു തന്നെ ഒരു
പക്ഷേ ഒരു പരിധി വരെയെങ്കിലും നിങ്ങള്‍ ഉള്‍ക്കൊള്ളുന്ന സുഹൃദ്
വലയത്തിന്റെ സ്വഭാവരീതി നോക്കിയായിക്കൂടെന്നില്ല. സൌഹൃദം എന്നും
മാറ്റങ്ങള്‍ക്കു വഴി തെളിയിച്ചിട്ടുണ്ടു, ഏതു രംഗത്തായാലും. പാണ്ഡവര്‍
പറയുന്നതുപോലെ  “ തമ്മില്‍ തമ്മിലെതിര്‍ക്കുമ്പോള്‍ ഞങ്ങള്‍  അഞ്ചവര്‍
നൂറുപേര്‍
മറ്റുള്ളോര്‍ വന്നെതിര്‍ക്കുമ്പോള്‍ ഞങ്ങള്‍ നൂറ്റഞ്ചു പേര്‍കളാം“  എന്ന
നയം പണ്ടത്തെ നാട്ടു രാജാക്ക്ന്മാര്‍ പോലും കാണിച്ചിരുന്നുവല്ലോ?
ഒരു ചുള്ളിക്കൊമ്പു ഒടിയ്ക്കുന്നതുപോലെ ഒരു കൂട്ടം ചുള്ളിക്കൊമ്പുകള്‍
ഒടിയ്ക്കാനാവില്ല. അതു പോലെ ഒരു വിരലിനു മാത്രം അസാധ്യമായതു അഞ്ചു
വിരലുകള്‍ ചേര്‍ന്നാല്‍ ചെയ്യാനാകുന്നു. ഇതെല്ലാം ഒരുമയുടെ അഥവാ
ഒന്നിയ്ക്കലിന്റെ മഹത്വങ്ങളാണു. ഈ ഒന്നിയ്ക്കല്‍ സ്വാര്‍ത്ഥലാഭം
മോഹിയ്ക്കാതെ ഒരേ ലക്ഷ്യത്തിനു വേണ്ടിയാകുംപ്പ്ല് അവിടെ സൌഹൃദം
മുളപൊട്ടുന്നു. മനസ്സിന്റെ യോജിപ്പു തന്നെ അതിനു ആവശ്യം.

ടെക്നോളജിയുടെ വളര്‍ച്ചയാണു ഇത്തരമൊരു ആഘോഷത്തിനായൊരു
ദിവസം കണ്ടെത്താനായി നമ്മളെ പ്രേരിപ്പിച്ചതെങ്കിലും പിന്നോട്ടു
നോക്കിയാല്‍ ഒരു രൂപത്തിലല്ലെങ്കില്‍ മറ്റൊരു രൂപത്തില്‍ ഈ ആഘോഷം മനുഷ്യ
രാശിയുടെ തുടക്കം മുതല്‍ തന്നെ നില നിന്നിരുന്നെന്നു കാണാം. പണ്ടത്തെ
നാട്ടുരാജാക്കന്മാരും പ്രജകളും പല കൂട്ടായ്മകളും ആഘോഷമാക്കിയിരുന്നു.
ഒരല്‍പ്പം സിവിലൈസ്ഡ് ആയപ്പോള്‍ അതിന്റെ ആഘോഷ രീതി വ്യത്യസ്തമായെന്നും
കാണാം. 1935 മുതലാണു ആഗസ്റ്റിലെ ആദ്യ ഞായറാഴ്ച്ച ഇതിനായി
നിശ്ചയിക്കപ്പെട്ടതു. സാധാരണ പോലെ  അമേരിയ്ക്ക തന്നെയാണിതിനു തുടക്കം
കുറിച്ചതു. പിന്നീടു മറ്റുരാജ്യങ്ങളും അനുകരിച്ചു തുടങ്ങി.  Winnie the
Pooh യെ ഈ ദിവസത്തിന്റെ അംബാസ്സഡറായി അമേരിക്ക തിരഞ്ഞെടുത്തതു 1997ല്‍
മാത്രം!.

ആദ്യമൊക്കെ തോന്നിയിരുന്നു ഈ പാശ്ചാത്യരെ എന്തിനു നാം
അനുകരിയ്ക്കണം., എന്നൊക്കെ.  നമ്മള്‍ എന്നും
അങ്ങിനെത്ത്ന്നെയായിരുന്നുവല്ലോ? ആദ്യമൊക്കെ എന്തിനുമേതിനും താംക്സ്
പറയുന്ന അവരുടെ ശീലം അരോചകമായിക്കണ്ടിരുന്ന നമ്മള്‍ ഇന്ന് അതു തന്നെ
ചെയ്യുന്നു. ബഹളം നിറഞ്ഞ യാന്ത്രികമായ നമ്മുടെ ജീവിതത്തിരക്കില്‍ നാം
പലപ്പോഴും നമുക്കു അത്യധികം വേണ്ടപ്പെട്ടവരായ പല സുഹൃത്തുക്കളെയും
ബന്ധപ്പെടാനും ആ സൌഹൃദം നില നിര്‍ത്താനും സമയം കണ്ടെത്തുന്നില്ല, അഥവാ
നമുക്കതിനു സാധിയ്ക്കുന്നില്ല.   ഒരു പക്ഷേ അവ തെറ്റിദ്ധാരണകള്‍ക്കു
പോലും വഴി തെളിയിയ്ക്കുന്നു. മനപൂര്‍വ്വം ആവില്ലെങ്കിലും നമ്മുടെ
പക്ഷത്തു നിന്നുള്ള ഒരു അക്ഷന്തവ്യമായ  അപരാധം തന്നെയാവാം അതു. ഇത്തരം
സൌഹൃദ ദിനങ്ങളെ അങ്ങനെയുള്ള
യഥാര്‍ത്ഥസുഹൃത്തുക്കളെ ഓര്‍ക്കാനും അവരുമായി ബന്ധം നിലനിര്‍ത്താനുമായി
ഉപയോഗിയ്ക്കാം. വര്‍ണ്ണപ്പകിട്ടാര്‍ന്ന കാര്‍ഡുകളുടേയോ സ്ക്രാപ്പുകളുടെയോ
സഹായം കൂടാതെ തന്നെ അവരുടെ  മനസ്സില്‍ ഓര്‍മ്മകളുണര്‍ത്തുന്നരീതിയില്‍
അവരെ ഓര്‍ക്കുകയാണേങ്കില്‍ നിങ്ങളുടെ സുഹൃത്തുക്കള്‍ എന്നും
നിങ്ങളോടൊപ്പം തന്നെ ഉണ്ടായിരിയ്ക്കും.കാരണം അവര്‍ക്കാവശ്യം പണമോ
സമ്മാനങ്ങളോ അല്ല, അംഗീകാരം മാത്രമാണു.   നിങ്ങളുടെയും അവരുടെയും
ജീവിതത്തിനു ഒരുപോലെ വര്‍ണ്ണം കൊടുക്കുകയാണു ഈ പ്രവൃത്തികൊണ്ടു നിങ്ങള്‍
ചെയ്യുന്നതു. അങ്ങിനെ നോക്കുമ്പോല്‍ ഈ ദിവസത്തിന്റെ പ്രാധാന്യവും
ഉദ്ദേശശുദ്ധിയും ഒരിയ്ക്കലും ചോദ്യം ചെയ്യപ്പെടുന്നില്ല. .

സുഹൃത്തുക്കള്‍ പണ്ടത്തെപ്പോലെ തുല്യവയസ്ക്കരായ കൂട്ടുകാരില്‍
മാത്രം ഒതുങ്ങിനില്‍ക്കുന്നില്ല ഇന്നു. പണ്ടും പറഞ്ഞിരുന്നതു
അങ്ങിനെത്തന്നെയായിരുന്നു. 18 വയസ്സു കഴിഞ്ഞാല്‍ മകനെപ്പോലും സുഹൃത്തായേ
കാണാവൂ എന്നു. അപ്പോള്‍ മാതാപിതാക്കളും കൂട്ടുകാര്‍ തന്നെ. . അതായതു
നിങ്ങളുടെ അഭ്യുദയം കാംക്ഷിയ്ക്കുന്നവരെല്ലാം ആ കൂട്ടത്തില്‍ പെടുന്നു.
അവരെ എന്നും അംഗീകരിയ്ക്കുക, അവഗണിയ്ക്കാതിരിയ്ക്കുക, അഥവാ
വിസ്മരിയ്ക്കപ്പെട്ടവരെ  ഓര്‍മ്മിയ്ക്കാനായി ഈ ദിവസം ഉപയോഗിയ്ക്കുക.
എല്ലാവര്‍ക്കും സുഹൃദ് ദിനാശംസകള്‍!!