Daily Archives: Saturday, August 7, 2010

അഭിനന്ദനങ്ങൾ

Posted by & filed under കവിത.

വിതച്ചെന്തെല്ലാം കുഞ്ഞേ സമയമടുത്തല്ലോ പതുക്കെക്കൊയ്തീടാനായറിക, പലവട്ടം കറുത്തു കരുവാളിച്ചെത്തിയ നാളിൽ‌പ്പോലു- മെനിയ്ക്കുണ്ടായില്ലല്ലോ ശങ്കയെന്നറിയുക നിനക്കായിടും നൂറുമേനിയീ ചതുപ്പിലും നിനച്ചു, വിളയിയ്ക്കാൻ മനസ്സു വെച്ചെന്നാലും തണുപ്പാലൊരിയ്ക്കലങ്ങണഞ്ഞാൽ‌പ്പിന്നെത്തീയിൻ- കടുപ്പം കുറയുമെന്നോർത്തു ഞാൻ ഭയന്നല്ലോ? മനസ്സിൽക്കത്തുംതീയും ചുമന്നാണിരിപ്പൂ നീ യടുക്കലിരിയ്ക്കവേയറിഞ്ഞു പലവട്ടം വരും നിൻ ദിനമന്നും പറഞ്ഞേൻ, ഇത് നിന്റെ വരുംകാലനേട്ടത്തിൻ ചവിട്ടുപടിയല്ലോ ഇനിയും കയറുക, മേലോട്ടേയ്ക്കുയരുക ഒരമ്മയ്ക്കിതേചൊല്ലാനഭിനന്ദനങ്ങളായ്.