Daily Archives: Tuesday, November 9, 2010

നവംബറിലെ മഴ

Posted by & filed under കവിത.

സ്വാഗതമോതുവതെങ്ങിനെ, നീവരും നാളു കഴി,ഞ്ഞിങ്ങു തെറ്റിയോ നിൻ വഴി? കാലത്തിനൊക്കാതെ വന്നതെന്താകിലും നൂനം ശരിയായി വന്നിടാ, ചൊല്ലിടും രാവിന്നവസാനയാമം കൊഴിയവേ ദ്യോവിൽ‌പ്പരക്കും വെളിച്ചം മനസ്സിലും മോഹം വിടർത്തുന്നനേരം കറുത്തൊരാ മേഘങ്ങളെക്കണ്ടു വിസ്മയിച്ചൊട്ടു ഞാൻ. നേരമല്ലാത്തൊരീ നേരത്തു വന്നെത്തു- മീമഴയെക്കെന്താണു കാരണമോർക്കവേ ഒട്ടു തണുപ്പാർന്നിളം കാറ്റു വീശുന്നു നിശ്ചയമീമഴ പെയ്തിടും ശക്തിയിൽ ഒക്കെ വരും  വിപരീതമായേതൊരു ശക്തികൾക്കാമീ പ്രകൃതിയെ മാറ്റുവാൻ കഷ്ടകാലം കലി കാലമതെത്തിയോ? ഒട്ടാ പ്രളയജലം നമ്മെ മൂടുമോ?