Monthly Archives: January 2011

ശവപ്പറമ്പുകൾ

Posted by & filed under കവിത.

അങ്ങാടികളെ നമുക്കിനി ശവപ്പറമ്പാക്കാം കാത്തിരിയ്ക്കാം ഇവിടെ നമുക്ക് മനസ്സിൽ അഗ്നിയുമായെത്തുന്നവരെ ഒരു പിടിക്കനലിനായി മാഫിയകളുടെ കരാളഹസ്തങ്ങൾ മുറുകെപ്പിടിച്ചിരിയ്ക്കുന്ന ഫണലുകളിലൂടെ നമുക്കു ചോർത്താമല്ലോ ഇന്ധനത്തെ ഖാണ്ഡവദഹനവുമാകാം കടലാസുകൾ കഥ പറഞ്ഞോട്ടെ കഥകേട്ടു ഉടുതുണി മുറുക്കി വിശപ്പു മറന്ന് ജനം ഉറങ്ങിക്കോട്ടെ ഉറങ്ങാൻ മണ്ണെണ്ണ  വിളക്കിന്റെ ആവശ്യമില്ലല്ലോ? ഉണർന്നവനും ഓർമ്മിയ്ക്കാനിടയില്ലല്ലോ മുനിഞ്ഞുകത്തുന്ന മണ്ണെണ്ണ വിളക്കുകൾ പരത്തിയ പ്രകാശങ്ങളെ നമുക്കഭിമാനിയ്ക്കാം നേട്ടങ്ങളിൽ രാജ്യം പുരോഗമിയ്ക്കുകയണല്ലോ?

മേടക്കാറ്റിനോട്………….

Posted by & filed under കവിത.

ഒരുകുലമഞ്ഞപ്പൂക്കൾ തേടി അരിച്ചെത്തുന്ന മേടക്കാറ്റേ… നിനക്ക് മഞ്ഞിൽമണം നഷ്ടമായോ? ചിരിയ്ക്കാനും മറന്നതെന്തേ? ആർക്കോവേണ്ടിയെന്നോണം വസന്തമെത്തിയെന്ന് പാടുമ്പോൾ കുയിലുകൾക്കെന്തേ ദു:ഖം? മഞ്ഞപ്പൂക്കളെ കാണാഞ്ഞോ? പ്രകൃതിയുടെ പുഴുക്കുത്തേറ്റ മുഖം ഇനിയുമൊരു നരകാസുരനെത്തേടുന്നോ? നന്മകൾ നഷ്ടപ്പെട്ട ആസുരതാണ്ഡവം, കാലം മറക്കാത്ത യുദ്ധങ്ങൾ, ഉഗ്രതപത്താൽ വിജയക്കൊടി പാറിയ രാവണന്റെ ലങ്കയിലെ അശോകവനിയിൽ ഇരുട്ടിൽ വിടരുന്ന മഞ്ഞപ്പൂക്കളിൽ തട്ടി രാവണന്മാരെത്തേടിയെത്തുന്ന ശീതക്കാറ്റിന്റെ മർമ്മരത്തിലും ദു:ഖത്തിന്റെ  വിതുമ്പലുകൾ സേതുകടന്നെത്തുന്ന രാമനെ കാണാനാവാഞ്ഞോ? ഇനിയും കാണാൻ കൊതിച്ച ഗരുഡാരൂധനായ ദേവന്റെ മഞ്ഞപ്പട്ടിന്റെ നിറത്തെ വെല്ലുന്ന കൊന്നപ്പൂക്കളും തേടി […]

വർണ്ണനൂലുകൾ-20

Posted by & filed under വർണ്ണ നൂലുകൾ.

നിങ്ങളുടെ മനസ്സിൽ ഒരു വർണ്ണനൂലിഴ സൃഷ്ടിയ്ക്കാൻ ചിലർക്കു എതാനും ദിവസങ്ങളുടെ പരിചയം മാത്രം മതിയാകും. വാക്കു കൊണ്ടും പ്രവൃത്തികൊണ്ടും അവർ തീർക്കുന്ന ഈ ഇഴകൾ ജീവിതത്തിൽ പിന്നീടൊരിയ്ക്കൽ‌പ്പോലും നാമവരെ കണാനിട വരുന്നില്ലെങ്കിൽക്കൂടി നമ്മുടെ മനസ്സിൽ പുതുമയാർന്നു തന്നെ നിലനിർത്തുന്നതിനുള്ള ഇവരുടെ കഴിവു ഒന്നു വേറെ തന്നെ.ഒരു മിന്നൽ പോലെ നമ്മുടെ സ്മൃതിപഥത്തിൽ പലപ്പോഴും വന്നെത്തി നോക്കുന്ന ഇത്തരം ഓർമ്മകളിൽ പലതും അത്യന്തം ഹൃദ്യമാർന്നവ തന്നെയാകാം. . അസ്ഗർ ഇത്തരമൊരു കഥാപാത്രമാണ്.ഒറീസായാത്രയിൽ  താമസിയ്ക്കാനിടയായ ഭുവനേശ്വറിലെ ആ ഗസ്റ്റ് ഹൌസും […]

വർണ്ണനൂലുകൾ-19

Posted by & filed under വർണ്ണ നൂലുകൾ.

കാന്തിഭായ് ഞങ്ങളുടെ ഗ്രോസറിക്കടക്കാരനായിരുന്നു, മാളുകൾ മുംബെയിൽ സർവ്വാധിപത്യം സ്ഥാപിയ്ക്കുന്നതിനു മുൻപ് .ഞങ്ങളുടെ  മാത്രമല്ല, അടുത്തുള്ള ഒട്ടനവധി കെട്ടിടങ്ങളിലെ താമസക്കാർക്കൊക്കെയും. അടുത്തൊന്നും മറ്റുവലിയ കടകൾ ഇല്ല. ഇവിടെയാണെങ്കിൽ ഗ്രോസറിയ്ക്കു പുറമേ അത്യാവശ്യം പ്ലാസ്ടിക് സാധനങ്ങൾ, പൂജാസാധനങ്ങൾ, സ്കൂൾ സ്റ്റേഷനറി ഒക്കെ കിട്ടും താനും . അപ്പോൾപ്പിന്നെ അവിടത്തെ തിരക്കു ഊഹിയ്ക്കാനാകുമല്ലോ?. രാവിലെ 8മണിയോടെ കടതുറന്നാൽ രാത്രി 11.30 -12വരെ തിരക്കു തന്നെ! കാന്തിഭായിയുടെ പ്രത്യേകത പറഞ്ഞില്ലല്ലോ?രാവിലെ 8മണിയ്ക്കു കാണുമ്പോഴും രാത്രി 11 മണിയ്ക്കു കാണുമ്പോഴും കാന്തിഭായിയുടെ പ്രസന്നഭാവവും ചിരിയും […]

വർണ്ണനൂലുകൾ-18

Posted by & filed under വർണ്ണ നൂലുകൾ.

പലപ്പോഴും അവ്യക്തമായി നമ്മുടെ മനസ്സിലോടിയെത്തുന്ന രൂപങ്ങളുണ്ടാകാം. എവിടെയെന്നോർമ്മയില്ലെങ്കിലും എവിടെയൊ കണ്ടു മറന്ന മുഖങ്ങൾ എന്നു നമുക്കു തോന്നുന്നതും അതുകൊണ്ടാകാം. ചിലപ്പോൾ അവ നമ്മെ മറ്റൊരു ലോകത്തേയ്ക്കു തന്നെ കൂട്ടിക്കൊണ്ടു പോകും. ഹൃദ്യമായ ഗതകാല സ്മരണകൾ നമ്മിലുണർത്താൻ ആർക്കെങ്കിലും കഴിഞ്ഞാൽ നാം അവരെ വീണ്ടും വീണ്ടും ഓർക്കാൻ ഇഷ്ടപ്പെടും. കാലത്തിന്റെ കുത്തൊഴുക്കിൽ മനസ്സിലെ രൂപങ്ങൾക്കു മാറ്റം സംഭവിച്ചേയ്ക്കാമെങ്കിലും അവയുണർത്തുന്ന വികാരങ്ങൾക്കു രൂപമാറ്റം സംഭവിയ്ക്കണമെന്നില്ല. അത്തരമൊരു വ്യക്തിയെക്കുറിച്ചാണിന്നെഴുതുന്നത്. അദ്ദേഹത്തിന്റെ ശരിയായ രൂപമെനിയ്ക്കിപ്പോൾ അവ്യക്തമാണു താനും. “പട്ടരുമാഷു വന്നിട്ടുണ്ട്”  കുട്ടിക്കാലത്തു പലപ്പോഴും […]