Daily Archives: Friday, December 30, 2011

വർഷാന്ത്യക്കണക്കെടുപ്പുകൾ

Posted by & filed under കവിത.

വർഷം കൊഴിയുന്നു മനസ്സിലൊരൽ‌പ്പം ദു:ഖം ബാക്കിവച്ച് എനിയ്ക്കു കണക്കെടുക്കാനറിയില്ല കൂട്ടലും കിഴിച്ചിലും നടത്തിയതുമില്ല അറിയില്ല പോയവർഷമെന്തു തന്നുവെന്ന് നഷ്ടമായതെന്തെന്നു മാത്രമേ ഞാൻ കണ്ടുള്ളൂ അതാണെന്റെ ദു:ഖത്തിന്റെ ഹേതുവും വർഷാന്ത്യത്തിലെ കണക്കെടുപ്പിനെക്കുറിച്ച് ഞാൻ ഓർത്തതേയില്ല ലാഭങ്ങൾ എന്നെ കൊതിപ്പിച്ചില്ല പുതിയ മാനങ്ങൾ തേടാൻ എനിയ്ക്കു സമയമില്ല വീതം വയ്ക്കുന്നതിൽ സന്തോഷമേ ഉള്ളൂ ഇനിയും വേണോ ഒരു ബാലൻസ് ഷീറ്റ് തയ്യാറാക്കൽ?