Daily Archives: Thursday, April 19, 2012

ഇരുളും വെളിച്ചവും

Posted by & filed under കവിത.

പൊട്ടിവിടരും പ്രഭാതത്തിലാമുനി- യൊട്ടു നദിക്കരയെത്തവേ, നിശ്ചല, സ്വച്ഛ സലിലത്തെയാകെയിളക്കുന്ന വൃശ്ചികമൊന്നിനെക്കണ്ടു, രക്ഷിയ്ക്കുവാൻ ഇച്ഛ പൂണ്ടൊട്ടു കരത്തിലെടുത്തപ്പോ- ളക്ഷണം കുത്തൊന്നുകിട്ടി, കുടയവേ വിഡ്ഡിയാം തേൾ നിപതിച്ചു ജലത്തിലേ, യ്ക്കൊട്ടേറെ വട്ടം ശ്രമിച്ചു  മുനിവരൻ. തൊട്ടടുത്തായ് നിന്നു തെല്ലത്ഭുതമ്പൂണ്ടി- തൊട്ടു വീക്ഷിച്ചൊരു വേടൻ കഥിച്ചിദം: “തെറ്റെങ്കിൽ മാപ്പാക്കിടേണം പറയുകിൽ, വിട്ടുകൂടേ, യതു മുങ്ങി മരിയ്ക്കട്ടെ! എത്രവട്ടം ശ്രമിച്ചീടിലുംകുത്തുമെ- ന്നൊട്ടുറപ്പായ്, വിഫലശ്രമമെന്തിനായ്?” ചെറ്റു മന്ദസ്മിതം പൂണ്ടു മുനി ചൊന്നാൻ: “ഒട്ടറിയാത്തപ്രവൃത്തി, യതിൻ സത്യം വൃശ്ചികമെന്തറിയുന്നു ?രക്ഷിയ്ക്കുവാൻ ഇച്ഛയാൽ ഞാൻ ശ്രമിയ്ക്കുന്നു, സഹജമായ്. […]