Daily Archives: Saturday, April 16, 2016

മതിലുകൾ

Posted by & filed under കവിത.

മനുഷ്യൻ വിശാലമാം ലോകത്തിൽ തനിയ്ക്കായി- ട്ടെടുക്കാൻ കഴിഞ്ഞവയെന്തൊക്കെയായെന്നാലും തിരിച്ചു വച്ചു, വേലി കെട്ടിയൊക്കെയന്യർക്കു കടക്കാൻ വയ്യാതാക്കി, സ്വാർത്ഥതയേറീടവേ.. മനസ്സും ഭാഗം വച്ചു, പലതാം വിധത്തിലായ് ഇടയ്ക്കായ് മതിലുകൾ തീർത്തവൻ സംതൃപ്തനായ് എനിയ്ക്കു ഭയക്കാനായൊന്നുമേയില്ലെന്നുള്ള വലുപ്പമധോഗതിയ്ക്കായുള്ള വഴിയായി. സ്വയം താൻ സൃഷ്ടിച്ചോരു വേലികൾ , മതിലുകൾ തനിയ്ക്കു തടവറ തീർത്തതു മറിഞ്ഞില്ല ചാടുന്നു മതിൽ , വേലി, പുറകെ വരുന്നവർ ഞാനെന്ന ഭാവം മാറ്റാൻ കാലത്തിന്നായീടുമോ?