Monthly Archives: June 2016

ഞാൻ അന്ധ

Posted by & filed under കവിത, Uncategorized.

  വെളിച്ചം മുന്നിൽക്കണ്ടു നടക്കാൻ മാത്രം പണ്ടു പഠിച്ചു, പഠിപ്പിച്ചു, ചുറ്റിലും, മനസ്സിലും വെളിച്ചം നിറഞ്ഞൊരാ നാളുകൾ തിരിച്ചിനി വരുത്താനാവില്ലെന്നോ വളർന്നീടുന്നു ഭയം.   മനുഷ്യൻ വ്യാമോഹത്തിൻ വലയിൽക്കുടുങ്ങവേ നിനയ്ക്കുന്നില്ലൊട്ടും തൻ കർമ്മത്തിൻ ഫലം,ലക്ഷ്യം മനസ്സിൽ കുറിച്ചിടുമെന്നാലുമെത്തിച്ചേരാൻ കുറുക്കു വഴികളെത്തേടുവാൻ ശ്രമിയ്ക്കുന്നു.   ഒരിറ്റുപ്രകാശത്തിൻ കണികയില്ല, ചുറ്റും നിറച്ചന്ധകാരമാണല്ലോ, ഇല്ല കാണ്മാനും ലക്ഷ്യം. തറയ്ക്കും മുള്ളും കല്ലും പാദത്തിൽ ചിത്രപ്പണി നടത്തീടുമ്പോൾക്കരഞ്ഞീടുവാൻ മറക്കുന്നോ?   മനസ്സിന്നിരുട്ടിലായ് സ്ഥാപിച്ച ലക്ഷ്യങ്ങളെ മനക്കണ്ണടച്ചൊട്ടു പ്രാപിയ്ക്കാൻ ശ്രമിയ്ക്കവേ നടുക്കായ് വന്നെത്തിടും വിഘ്നങ്ങളെന്തായാലും […]

തൂവൽ പൊഴിയ്ക്കുന്നവർ

Posted by & filed under കവിത, Uncategorized.

കൊതിച്ചല്ലോ ഞാൻ പണ്ടു മുളയ്ക്കാൻ ചിറകുക- ളെനിയ്ക്കും, പറന്നേറെയുയരാൻ,വിഹായസ്സിൽ നിനച്ചില്ലൊരു നാളുമുയരങ്ങൾ തേടുന്നോർ – ക്കൊരുക്കും കെണിയെന്നെക്കാത്തിരിയ്ക്കാമെന്നതും   തിടുക്കം തോന്നീടുന്ന നാളുകൾക്കുമെൻ മോഹം കണക്കേ ചിറകുകൾ മുളച്ചോ, യീവേഗത്തിൻ നടുക്കായ് , ഉയരങ്ങൾ താണ്ടിടാൻ പരത്തീടും കണക്കറ്റ കൂട്ടുകാർക്കൊപ്പമെത്തുവാൻ ശ്രമിച്ചുവോ?   തുടക്കമെവിടെയെന്നറിഞ്ഞില്ലപശ്രുതി യെനിയ്ക്കുള്ളിലായൊട്ടു മുഴക്കമുയർത്തവേ തിരിച്ചു കൊത്താൻ പഠിച്ചെങ്കിലും ചിറകുകൾ കൊഴിച്ചൂ തൂവ,ലാത്മവിശ്വാസമകലുന്നോ?   തിരിച്ചു താഴോട്ടേയ്ക്കു പറക്കേണമോ, തൂവൽ പൊഴിച്ചീ സ്പർദ്ധയ്ക്കൊപ്പമുയരങ്ൾങ താണ്ടണോ? എനിയ്ക്കൊന്നറിഞ്ഞീടാൻ കഴിഞ്ഞെ,ന്നുമേയെങ്ങും തനിച്ചേ കാണ്മൂ,താഴെയെങ്കിലും മുകളിലും.