Monthly Archives: January 2017

കാട്ടുവാത്ത്-മേരി ഒളിവർ (Wild Goose- Mary Oliver)

Posted by & filed under Uncategorized.

  കാട്ടുവാത്ത്-മേരി ഒളിവർ നീ നന്മയെഴുന്നവനാകണമെന്നൊന്നുമില്ല, പശ്ചാത്താപവിവശനായി മരുഭൂമിയിൽ നൂറോളം മൈൽ ദൂരം നിന്റെ മുട്ടുകാലിൽ സഞ്ചരിയ്ക്കണമെന്നുമില്ല. അനുവദിയ്ക്കുകമാത്രം ചെയ്യുക, നിന്റെ ശരീരത്തിലു സ്നിഗ്ദ്ധമായ ആ ചൈതന്യം എന്തുചെയ്യാനിഷ്ടപ്പെടുന്നുവോ അത് ചെയ്യാനായി മാത്രം. നിന്റെ ഇച്ഛാഭംഗങ്ങൾ എനിയ്ക്കൊത്തു പങ്കു വയ്ക്കൂ, ഞാൻ നിനക്കൊത്തെന്റേതും പങ്കിടാം. ലോകം അതിന്റെ പാട്ടിനു മുന്നേറിക്കോട്ടെ സൂര്യനും, സ്ഫടികസദൃശമായ മഴത്തുള്ളികളും, പുൽമേടുകളും, മരക്കൂട്ടങ്ങളും, പർവ്വതപ്രദേശങ്ങളും, പുഴകളും പ്രകൃതിദൃശ്യങ്ങളിൽ ഉടനീളമൊഴുകട്ടെ! ഇതിനിടയിലൊരു കാട്ടുവാത്ത് സ്വച്ഛനീലിമയാർന്ന ആകാശത്തിന്നുയരങ്ങളിലൂടെ കൂടണയാൻ പറന്നോട്ടെ! നീ ആരോ ആകട്ടെ, എത്രയോ […]

ഞാനൊരു പുസ്തകം തുറന്നു….I opened a book (Julia Donaldson)

Posted by & filed under പരിഭാഷകൾ, Uncategorized.

      For my Book-lover Friends … My attempt of malayalam translation I opened a book (Julia Donaldson) ഞാനൊരു പുസ്തകം തുറന്നു…. (ജൂലിയ ഡൊണാൾഡ്സൺ) ((മലയാളം പരിഭാഷ-ജ്യോതിർമയി ശങ്കരൻ) ഇനിയാർക്കുമൊന്നെന്നെക്കണ്ടെത്താൻ കഴിയില്ല- യൊരുപുസ്തകം തുറന്നുള്ളിലാണ്ടിടുന്നു ഞാൻ എന്നിരിപ്പിടം, ഗേഹ, മെൻ വീഥി, നഗരവു- മെന്റെ ലോകത്തെത്തന്നെപ്പുറകോട്ടാക്കീടുന്നു. മേലങ്കിയണിഞ്ഞങ്കത്തട്ടിൽത്തെന്നിവീണല്ലോ ആവോളം നുകർന്നല്ലോ മാസ്മരമാമൌഷധം വ്യാളികൾക്കൊപ്പം യുദ്ധം ചെയ്തു ഞാൻ, ഭുജിച്ചല്ലോ രാജാവിന്നൊപ്പം, കടൽത്തട്ടിനെപ്പുണർന്നല്ലോ. തുറന്നോരപ്പുസ്തകം കൂട്ടുകാരെത്തന്നല്ലോ സുഖ-ദുഃഖങ്ങളവർക്കൊത്തു പങ്കു വച്ചല്ലോ […]

ശരശയ്യ

Posted by & filed under Uncategorized.

ഒരു വര വരച്ചിടൂ, കൂട്ടിനായെത്തിടും പലരിവിടെ, പലവിധ നിറങ്ങളെ ക്കാട്ടുവാൻ, ചിതറിടും വാക്കിനാൽ ചിത്രം വരയ്ക്കുവാൻ, കഥകൾ കേൾപ്പിയ്ക്കാൻ, കവിതയൊഴുക്കുവാൻ.   മടിയരുത്  ഹൃദയം തുറക്കാൻ, മടുപ്പിനു വിട പറയാനും, തുടക്കങ്ങളെപ്പൊഴും പതിയെയായാലും തുടക്കങ്ങ,ളപ്പുഴു- പ്പിറവി ശലഭത്തിനനിവാര്യമെന്നപോൽ.   വരകൾ പലതിതുവിധമെനിയ്ക്കു ചുറ്റും, വന്നു നിറയുന്നു,വെൻ നെടുവീർപ്പും കരച്ചിലും, കുതറിയോടും സ്വപ്നജാലവും,  ബന്ധങ്ങ- ളറിയാതെ തീർക്കുന്ന ബന്ധനവും,, കഥ- യറിയാതെയോതുന്ന ജൽപ്പനവും, മൃദു- കരലാളനങ്ങളും, സ്വാന്തനവും, സ്നേഹ- മൊഴുകുന്ന വാക്കും, മനസ്സിൽ നിറയുന്ന ചെറിയൊരാശങ്ക, ഭയം, ഭീതി, ഭക്തിയും […]