Daily Archives: Friday, August 11, 2017

അനുഭവം ഗുരു

Posted by & filed under Uncategorized.

  താഴിട്ടുപൂട്ടീട്ടെന്റെ മനസ്സിന്നകത്തായി ഞാൻ വെച്ച മണിച്ചെപ്പിന്നെണ്ണങ്ങൾ മറന്നുപോയ് കാലത്തിൻ പ്രവാഹത്തിലൊലിച്ചേ പോയീടുമെ- ന്നാരാനും നിനച്ചെങ്കിൽത്തെറ്റെന്നുമറിഞ്ഞുപോയ്. മറക്കാൻ കൊതിച്ചതല്ലറിഞ്ഞെൻ തിരക്കുക- ളെനിയ്ക്കു നിഷേധിച്ച സ്വാർത്ഥചിന്തകളാകാം മടുക്കും മനം വീണ്ടുമോർമ്മതന്നോളങ്ങളിൽ ത്തുടിയ്ക്കാൻ മടിച്ചൊട്ടു മാറിനിന്നതുമാകാം. പതുക്കെത്തുറന്നൊക്കെ നോക്കുവാൻ മനസ്സിന്റെ- യകത്തങ്ങിരുന്നാരോ മെല്ലെചൊല്ലിടുന്നുവോ? എനിയ്ക്കിത്തിരിയുണ്ടു ഭയമൊക്കെയും വീണ്ടും തുറക്കാൻ, കുതിച്ചെത്തിയെങ്കിലെന്തു ചെയ്തിടും? എടുക്കട്ടെ ഞാനോരോന്നായിയെൻ വിറപൂണ്ട കരത്താൽ, തുറക്കുവാൻ മനസ്സു കൊതിയ്ക്കുന്നു പതുക്കെത്തൊടുന്നേരമറിയാൻ കഴിയുന്നു തുറക്കുന്നതിന്മുൻപായുള്ളിലെന്താണെന്നതും. കിലുക്കം ബാല്യത്തിന്റെ, കൌമാരസ്വപ്നങ്ങൾ തൻ മയക്കും ചിലമ്പൊലി, മധുരമാം യൌവനം തുടുപ്പിച്ചൊരാനാളിന്നുദ്വേഗം, പലവിധ […]