നഷ്ടസ്വര്‍ഗം തേടി….

Posted by & filed under കവിത.

ഇന്നിന്റെ കയ്പുനീരിലുപ്പും

ഇന്നലെയുടെ സ്വപ്നത്തിന് ചിറകും

ആരു കൊടുത്തു?

മനസ്സില്‍ അനുഭൂതിയുടെ

ആത്മസംതൃപ്തിയുടെ

സുഖദമായ വീചികള്‍

ആരൊഴുക്കി?

നനുത്തകാറ്റിന്റെ തലോടല്‍

ചാറ്റല്‍ മഴയുടെ തണുപ്പു

ഓര്‍മ്മകളുണരുന്നോ?

 സ്വപ്നലോകങ്ങളില്‍

നീര്‍ക്കുമിളകളായ്

വേഴാമ്പലുകളായ്

ആരാരെത്തുന്നു?

വിടരാന്‍ വെമ്പുന്ന പൂക്കളും

നുണയാനെത്തുന്ന ശലഭവും

നിറമേറ്റുവതെന്തേ?

കതിര്‍ക്കുലകള്‍

കാറ്റിലാടുന്ന വയലേലകള്‍

കാണാപ്പുറം തേടിപ്പോയ്

നീയാര്‍ക്കുവേണ്ടി

കാത്തിരിപ്പൂ?

പേടിപ്പെടുത്തുന്ന ദുസ്സ്വപ്നങ്ങള്‍ 

നിന്നെത്തേടിയെത്തവേ

ഒന്നുറക്കെ കരയാനാവാതെ

നീയെന്തേ നില്‍പ്പൂ?

കോലം കെട്ടുപോയ ഇന്നലെയുടെ

മുഖത്തെയ്ക്കൊന്നു തുപ്പാന്‍

ആവതില്ലാതെ പോയോ?

നിനക്കു നിലനില്‍പ്പു പ്രശ്നം

എനിക്കു ചിരിക്കാനും മോഹം

വിഴുപ്പുഗന്ധം പേറിയെത്തുന്ന

വടക്കന്‍ കാറ്റിനെ നോക്കി

ഒന്നു കൊഞ്ഞനം കുത്താന്‍

എനിക്കെത്ര മോഹം!

ഒന്നും നേടാനല്ല

ഒന്നിനുമടിയറവോതാതിരിയ്ക്കാനായ് മാത്രം!

 

 

 

 

 

 

One Response to “നഷ്ടസ്വര്‍ഗം തേടി….”

  1. ശ്രീ

    🙂

Leave a Reply

Your email address will not be published. Required fields are marked *