മുംബൈയിലെ ആരാധനാലയങ്ങള്‍-2

Posted by & filed under മുംബൈ ജാലകം.

മുംബൈയിലെ ജാമ മസ്ജിദും ഹാജി അലി ദര്‍ഘയും

 

    http://mumbai.clickindia.com/travel/jamamasjid.htmlവിഭിന്നമതവിശ്വാസികള്‍ സഹിഷ്ണുതയോടെ http://www.world66.com/asia/southasia/india/maharashtra/mumbai/lib/galleryഒത്തൊരുമിച്ചു ജീവിയ്ക്കുന്ന മുംബൈയിലെ നിവാസികള്‍ക്കു നവരാത്രിയും , ക്രിസ്തുമസ്സും ഈദും എല്ലാം ഒരേപോലെത്തന്നെ ഉത്സവങ്ങളുടെ നാളുകളാണു.. ജന്മാഷ്ടമിയും, ഗണപതിയും, ഓണവുമൊക്കെ കഴിഞ്ഞു. ഇപ്പോള്‍ രംസാന്‍ നൊയമ്പിന്റെ നാളുകള്‍ അവസാനിയ്ക്കുന്നതിനെ ക്കുറിയ്ക്കുന്ന ചാന്ദ്ര ദര്‍ശനവുമായി  ഈദു എത്തിക്കഴിഞ്ഞല്ലോ! ഈയവസരത്തില്‍ മുംബൈ നഗരത്തിലെ മുസ്ലിം ആരാധനാലയങ്ങളില്‍ ഏറ്റവും പഴയതായ ജമ മസ്ജിദിനെക്കുറിച്ചും ഹാജി അലി ദര്‍ഘയെക്കുറിച്ചുമാവട്ടെ ഈ ജാലകക്കാഴ്ച്ച. എല്ലാര്‍ക്കും ഈദ് മുബാരക്!

 

 

     തെക്കന്മുംബൈയില്‍ ക്രാഫോര്‍ഡ് മാര്‍ക്കറ്റിനരികെ കല്‍ബാദേവിയിലാണു ജമ മസ്ജിദ് ഇപ്പോള്‍ സ്ഥിതി ചെയ്യുന്നതു . ഏറ്റവും പഴക്കമേറിയ പള്ളിയാണിതെന്നു പറയാം. പണ്ടു ഇതു  സ്ഥിതിചെയ്തിരുന്നതു ഡോംഗ്രി എന്ന സ്ഥലത്തായിരുന്നുവത്രേ. പിന്നീടു ഇതു എസ്പ്ലനേഡിലേയ്ക്കു മാറ്റപ്പെട്ടുവെങ്കിലും ഗവര്‍ണര്‍ വില്യം ഹോണ്‍ബിയുടെ കല്പനപ്രകാരം 1770 ല്‍  ഫോര്‍ട്ട് ഏരിയയില്‍ നിന്നു വീണ്ടും മാറ്റപ്പെടുകയും ഇന്നത്തെ സ്ഥലത്തു പുതിയതായി നിര്‍മ്മിയ്ക്കപെടുകയും ചെയ്തുവെന്നാണു ചരിത്രം. 1775ല്‍ ഇതിന്റെ പണി തുടങ്ങിയെങ്കിലും അവസാനിച്ചതു 1802 ല്‍ ആണു. കല്ലിലും ഇഷ്ടികയിലും തീര്‍ത്ത ദീര്‍ഘചതുരത്തിലുള്ള കെട്ടിടവും  അതിന്റെ ചുറ്റുമായുള്ള രണ്ടുനിലയിലയായുള്ള ഭാഗവും കൂടിച്ചേര്‍ന്നതാണു മസ്ജിദ്. കിഴക്കുന്ഭാഗത്തെ കവാടത്തിനടുത്തായി ഒരു കുളവും അതിനോടു ചേര്‍ന്നു പള്ളിയെ താങ്ങി നിര്‍ത്തുന്ന കരിങ്കല്‍കവാടങ്ങളുമുണ്ടു.

 

  

പള്ളിയുടെ ഭരണം 3 കൊല്ലത്തിലൊരിയ്ക്കല്‍ പ്രത്യേകം തിരഞ്ഞെടുക്കപ്പെട്ട അംഗങ്ങളാല്‍ രൂപീകൃതമായ ട്രസ്റ്റിന്റെ കീഴിലാണു. മുശവിര്‍ എന്നറിയപ്പെടുന്ന കൊക്നി മുസ്ലിം ജമ അത്ത് സമുദായത്തില്‍ പെടുന്നവരാണു ട്രസ്റ്റു മെംബര്‍മാരായി തിരഞ്ഞെടുക്കപ്പെടാന്‍  അര്‍ഹതയുള്ളവര്‍. 

 

 

    ഹാജി അലി………കടലിനു നടുവിലായി ഒരു മുസ്ലിം സുഫി വിശുദ്ധനായുള്ള    ആരാധനാലയം. കരയില്‍ നിന്നും നടന്നുപോകാനായി വഴി.  കാണുമ്പോള്‍ തന്നെ വളരെയധികം ശ്രദ്ധയാകര്‍ഷിയ്ക്കുന്ന ഒരു പുണ്യസ്ഥലമാണിതു. എന്തോ ഒരു ദൈവീകത മുറ്റിനില്‍ക്കുന്നതുപോലെ. ഈ സ്ഥലത്തിന്റെ പ്രത്യേകതയെന്തെന്നാല്‍ വേലിയിറക്ക സമയത്തു മാത്രമേ ഇവിടം ദര്‍ശിയ്ക്കാനാവൂ എന്നതാണു. മറ്റു സമയങ്ങളില്‍ 500 അടിയെങ്കിലും കടലിനുള്ളിലായി സ്ഥിതി ചെയ്യുന്ന ഈ ദര്‍ഘയിലേയ്ക്കുള്ള വഴി വെള്ളത്തിലാണ്ടിരിയ്ക്കുമെന്നതാണു കാര്യം. അതേപോലെത്തന്നെയാണു നല്ല മഴ,യും കാറ്റുമുള്ള സമയത്തും. എന്താണു ഈ ദര്‍ഘയുടെ പ്രാധാന്യം? ധനികനും അള്ളാവില്‍ അടിയുറച്ച വിശ്വാസിയുമായിരുന്ന ഒരു കച്ചവടക്കാരന്റെ ശവകുടീരമാണിതു. 1431ലാണത്രേ ഇതു നിര്‍മ്മിയ്ക്കപ്പെട്ടതു. വോര്‍ളി കടല്‍ത്തീരത്തിന്നടുത്തായി മഹാലക്ഷ്മി എന്ന സ്ഥലത്തു മഹാലക്ഷി റെയ്സ് കോഴ്സിനു മുന്‍പിലായാണു ഇതു സ്ഥിതി ചെയ്യുന്നതു. ഹാജി അലി എന്ന പേരില്‍ത്തന്നെയാണു ഇപ്പോള്‍  ഈ ചുറ്റുപാടു അറിയപ്പെടുന്നതു.. പ്രാര്‍ത്ഥിച്ചാല്‍ ആഗ്രഹസാഫല്യം കിട്ടുമെന്ന വിശ്വാസത്താല്‍ എല്ലാ മതക്കാരും ഒരുപോലെ സന്ദര്‍ശിയ്ക്കുന്ന സ്ഥലമാണിതു. വ്യാഴം , വെള്ളി എന്നീ ദിവസങ്ങളില്‍ 40,000 ത്തോളം ആളുകള്‍ ഇവിടം സന്ദര്‍ശിയ്ക്കുന്നുവെന്നാണു കണക്ക്.

 

      ഹസ്രത് ഹാജി അലി എന്ന ധനികന്‍ ജീവിതത്തിലെ എല്ലാ സുഖസൌകര്യങ്ങളും ത്യജിച്ചു മെക്കയിലേയ്ക്ക് യാത്ര തിരിച്ചു. വഴിയില്‍ വെച്ചു മരിച്ച അദ്ദേഹത്തിന്റ് ശരീരം ഇവിടെവന്നു അടിഞ്ഞുവത്രെ! ഇവിടെവെച്ചു അദ്ദേഹം മുങ്ങി മരിയ്ക്കുകയാണുണ്ടായതെന്നും ചിലര്‍ പറയപ്പെടുന്നു. എന്തായാലും വിശ്വാസികള്‍ക്കു പ്രിയപ്പെട്ടതായി മാറിയ ഈ സ്ഥലം രൂപ ഭംഗി കൊണ്ടും നിര്‍മ്മാണശൈലി കൊണ്ടും കൂടി ശ്രദ്ധേയമായി മാറി. 4500 ഓളം മീറ്റര്‍ സ്ഥലത്തു, 85 അടി ഉയരത്തില്‍ ഗോപുരത്തോടുകൂടിയ ഈ കെട്ടിടത്തിന്റെ മാര്‍ബ്ബിള്‍ തൂണുകളില്‍ പച്ച, മഞ്ഞ, നീല നിറണ്‍ഗളില്‍ ചില്ലുകഷ്ണങ്ങല്‍ പാകി മനോഹരമാക്കിയിരിയ്ക്കുന്നു. അള്ളാവിന്റെ 99 തിരുനാമങ്ങളും ഈ മാര്‍ബിള്‍ ചിത്രത്തൂണുകളില്‍ ആലേഖനം ചെയ്യപ്പെട്ടിട്ടുണ്ടു.തൂവെള്‍ല നിറമുള്‍ല കെട്ടിടത്തിനു ഒറ്റ താഴികക്കുടം മാത്രമേയുള്ളൂ. പള്ളിയ്ക്കകത്താണു വെള്ളിയില്‍ നിര്‍മ്മിച്ച പ്രത്യേക കൂടിനകത്തായി ദര്‍ഘ. അതിനു മുകളിലായി ചുവപ്പും പച്ചയും നിറങ്ങളുള്ള പുതപ്പുകൊണ്ടു മൂടിയ ഹാജി അലിയുടെ ശവകുടീരം കാണാം..വിശാലമായ അങ്കണവും പള്ളിയ്ക്കുണ്ടു. പള്ളിയ്ക്കകത്തു സ്ത്രീകള്‍ക്കും പുരുഷന്മാര്‍ക്കും പ്രാര്‍ത്ഥിയ്ക്കാനായി വേറെ വേറെ സ്ഥലങ്ങളുണ്ടു.

 

       ബസ്സില്‍ യാത്ര ചെയ്യുന്നവര്‍ക്കും ഈ ദര്‍ഘ കാണാനാകും. മുംബൈ കാണാനെത്തുന്നവരൊക്കെ ഇവിടെയും സാധാരണ പോകാറുണ്ട്. കടല്‍ത്തിരകളുടെ ശക്തിയാ‍ല്‍  കേടുപാടുകള്‍ വന്നു പലപ്രാവശ്യവും അറ്റകുറ്റപ്പണികള്‍ തീര്‍ത്തെങ്കിലും ഇപ്പോള്‍ കാര്യമായ ഒരു പുനരുദ്ധാരണം നടത്തിയേ പറ്റൂ എന്നനിലയിലായിട്ടുണ്ടു. ടാജ്മഹല്‍ പോലെ തൂവെള്ള മാര്‍ബിളില്‍ പണിയാനും ആലോചനകള്‍ നടന്നു വരുന്നു. എന്തായലും വിശ്Wആസികളുടേയും അല്ലാത്തവരുടേയും മനസ്സില്‍ ഒറെപോലെ പ്രതിഷ്ഠ നേടിയ സ്ഥലമാണിതെന്നു പറയാതെ

Leave a Reply

Your email address will not be published. Required fields are marked *