മുംബയിലെ ആരാധനാലയങ്ങള്‍-3

Posted by & filed under മുംബൈ ജാലകം.

മുംബയിലെ ആരാധനാലയങ്ങള്‍ 3

 

മൌണ്ടു മേരി ചര്‍ച്ചു, ബാന്ദ്രhttp://www.alphonsa.net/St.Alphonsa.htm

http://misteaq.blogspot.com/2006/09/come-september-and-streets-of-bandra.htmlhttp://www.aseemn.org/posts/a-journey-from-goregaon-to-mount-mary-church-bandstand/

 

ഭാരതത്തില്‍ നിന്നും ആദ്യമായി ഒരു  വിശുദ്ധ. . കുടമാളൂരിലെ ആര്‍പ്പൂക്കരയില്‍ 1910 ആഗസ്റ്റ് മാസം 10നു മുട്ടത്തുപാടത്തുവീട്ടില്‍ ജനിച്ചു 7- മത്തെ വയസ്സില്‍ തന്നെ  കര്‍ത്താവിനെ മണവാളനായി സ്വീകരിച്ചു  തന്റെ വളരെ ഹൃസ്വമായ ജീവിതം മുഴുവനും പീഡിതരുടെ പ്രതീകമായി ജീവിച്ചു 1946 ജൂലായ് 28നു ഭരണങ്ങാനത്തു കര്‍ത്താവില്‍ വിലയം പ്രാപിച്ച സിസ്റ്റര്‍ അല്‍ഫോന്‍സയെ സൈന്റു അല്‍ഫോന്‍സയാക്കി ഇന്നു വാഴ്ത്തപ്പെട്ട സന്തോഷത്തിലാണു ഇന്ത്യയിലെ ക്രിസ്ത്യന്‍ ജനത  മുഴുവനും. മുംബൈയ്ക്കും അഭിമാനം കൊള്ളാന്‍ വകയുണ്ടു. കാരണം  ഇന്ത്യയിലെ ആദ്യത്തെ പുണ്യവാനായി പ്രഖ്യാപിയ്ക്കപ്പെട്ടതു മുംബയിലെ വസായ് എന്ന സ്ഥലത്തെ സൈന്റ് ഗോണ്‍സാലോ ഗാര്‍ഷ്യ ആയിരുന്നുവല്ലോ? 1556 ല്‍ ജനിച്ചു,1597 ല്‍ കൊല്ലപ്പെട്ടു, ഏകദേശം 250 വര്‍ഷങ്ങള്‍ക്കുശേഷം 1892ല്‍ വിശുദ്ധനായി പ്രഖ്യാപിയ്ക്കപ്പെട്ടു സൈന്റ് ഗോണ്‍സാലോ ഗാര്‍ഷ്യ. ഈ സന്തോഷാവസരത്തില്‍ മുംബയിലെ ക്രൈസ്തവ ദേവാലയങ്ങളെക്കുറിച്ചുതന്നെയാകട്ടെ ഈ എത്തിനോട്ടം.

 

   ബാന്ദ്ര ഫെയര്‍ എന്നു കേട്ടുകാണും, ഇല്ലേ?

 

മുംബൈയുടെയും മുംബൈയ്നിവാസികളുടെയും മനസ്സില്‍ ഒരേപോലെ സ്ഥാനം പിടിച്ച വെസ്റ്റേണ്‍ മുംബൈയിലെ മൌന്‍ടു മേരി ചര്‍ച്ചിലെ ഒരാഴ്ച്ച നീണ്ടു നില്‍ക്കുന്ന ഒരു പെരുന്നാള്‍ സമയമാണിതു. ജാതിമതഭേദമില്ലാതെ , ധനികരും ദരിദ്രരും ഒരേപോലെ ദര്‍ശനത്തിനെത്തുന്ന സ്ഥലം. സെപ്തംബര്‍ മാസത്തിലാണു ഈ പെരുന്നാള്‍ കൊണ്ടാടുന്നതു. ഈ വര്‍ഷം ഇതു സെപ്തംബര്‍ 15 മുതല്‍ 22 വരെയായിരുന്നു. ഏകദേശം ഒര്‍ ഗോവന്‍ കാര്‍ണ്ണിവലിന്റെ അന്തരീക്ഷമാണു  ഈ ദിവസങ്ങളില്‍ ഇവിടെ സൃഷ്ടിയ്ക്കപ്പെടുന്നതു. ഗുരുവായൂര്‍ അമ്പലത്തില്‍ ചെന്നാല്‍ നമ്മള്‍ ആള്രൂപം നടയ്ക്കല്‍ വെയ്ക്കുന്നതു പോലെ ഇവിടെ മെഴുകു കൊണ്ടു നിര്‍മ്മിതമായ വിശുദ്ധമേരിയുടെ ആള്രൂപം, കൈ, കാല്‍, ശരീരത്തിന്റെ വിവിധ ഭാഗങ്ങള്‍ എന്നിവ പ്രാര്‍ഥനയുടെ ആവശ്യകതയനുസരിച്ചു വഴിപാടായി വെയ്ക്കുന്നു, അന്നേ ദിവസം പള്ളിയുടെ ഒരു കിലോമീറ്റര്‍ അകലെ നിന്നു വരെ മെഴുകുതിരി വില്‍ക്കുന്നവരുടെ ലഹളയാണു. മുട്ടിപ്പായി പ്രാര്‍ത്തിച്ചാല്‍ ഫലം കിട്ടുമെന്ന വിശ്വാസമാണു ഇവിടുത്തെ ഭക്തരുടെ തിരക്കു ഇത്രയേറാന്‍ കാരണം. ആനുഗ്രഹത്തിനായി പ്രാര്ത്ഥിയ്ക്കാന്‍ വരുന്നവരുടെയും അനുഗ്രഹം കിട്ടിയതിലെ നന്ദി കാണിയ്ക്കാനായെത്തുന്നവരുടേയും തിരക്കു .മുംബൈയ്ക്കു പുറത്തുനിന്നുപോലും ഭക്തര്‍ ഇവിടെയെത്തുന്നു.

 

  

     മുംബൈയിലെ ഏറ്റവും പഴക്കം ചെന്ന ക്രൈസ്തവ ആരാധനാലയങ്ങളില്‍ ഒന്നാണിതു. 1640 ല്‍ ആണു ഇതു പണിയിയ്ക്കപ്പെട്ടതു. കഥകള്‍ പലതുമുണ്ടു ഇവിടത്തെ പ്രതിഷ്ഠയെക്ക്രിച്ചു..മുന്‍പു പ്രതിഷ്ഠിയ്ക്കപ്പെട്ട വിഗ്രഹത്തിന്റെ കയ്യിലെ സ്വര്‍ണ്ണം കൊണ്ടുണ്ടാക്കിയ എന്തോ വസ്തു  മോഷ്ടിയ്ക്കപ്പെട്ടപ്പോള്‍ കയ്യും കേടുവരുത്തി. ഒരു മുക്കുവനു സ്വപ്നദര്‍ശനം കിട്ടിയത്രേ, കടലില്‍ നിന്നും കിട്ടുന്ന വിഗ്രഹം അവിടെ പ്രതിഷ്ഠിയ്ക്കാനായി. അതനുസരിച്ചു അന്വേഷണാര്‍ത്ഥം കിട്ടിയ വിഗ്രഹം പ്രതിഷ്ഠിയ്ക്കപ്പെട്ടെങ്കിലും ആദ്യവിഗ്രഹം തന്നെ കേടുപാടുകള്‍ തീര്‍ത്തു കയ്യില്‍ ഒരു കുഞ്ഞിനേയുമേന്തുന്ന രൂപത്തില്‍ വീണ്ടും പ്രതിഷ്ഠിയ്ക്കപ്പെടുകയാണുണ്ടായതാണത്രേ! ഇതിനെല്ലാം രേഖകളും ബാന്ദ്ര സൈന്റ് ആന്‍ഡ്രൂസ് ചര്‍ച്ചില്‍  ഉണ്ടത്രേ! എന്തായാലും എല്ലാമതത്തില്‍ പെട്ടവരും ഇവിടെയെത്തി പ്രാര്‍ഥിയ്ക്കുന്നു. തുടര്‍ച്ചയായി 9 ആഴ്ച്ച വന്നു മുട്ടിപ്പായി പ്രാര്‍ത്ഥിയ്ക്കുന്നവരുമുണ്ടു. ചുറ്റുപാടുമുള്ള മഹാരാഷ്ട്രീയന്‍ വിശ്വാസികള്‍ക്കു മാത് മൌലിയാണീ പുണ്യവാളത്തി. അറബിക്കടലിന്റെ തീരത്തെ സന്ധ്യയുടെ മുഴുവനും സൌന്ദര്യവും സൂര്യാസ്തമനത്തിന്റെ സമയത്തു ദര്‍ശിയ്ക്കാനകുന്ന തരത്തിലാണു ഈ പള്ളി നിലകൊള്ളുന്നതു. വിഭിന്ന മതക്കാരെങ്കിലും ഒരേവിശ്വാസത്തോടുകൂടി ഇവിടെയെത്തുന്ന മനുഷ്യര്‍ മുംബൈ മഹാനഗരിയുടെ മറ്റൊരു സൌന്ദര്യത്തിന്റെയും മുഖമാണൊയെന്നു ഇതു കാണുമ്പോള്‍ തോന്നിപ്പോകും. ഇവീടെ ഒന്നില്‍ക്കൂടുതല്‍ സംസ്കാരങ്ങളും ഒന്നില്‍ക്കൂടുതല്‍ മതവിശ്വാസങ്ങളും ഒരു പുതുമയേയല്ല. ടൂറിസ്റ്റുകളുടെ ആകര്‍ഷണമായും ഈ സ്ഥലം വളര്‍ന്നുകൊണ്ടിരിയ്ക്കുന്നു.

One Response to “മുംബയിലെ ആരാധനാലയങ്ങള്‍-3”

  1. vrajesh

    nice article.

Leave a Reply

Your email address will not be published. Required fields are marked *