വർണ്ണനൂലുകൾ-19

Posted by & filed under വർണ്ണ നൂലുകൾ.

കാന്തിഭായ് ഞങ്ങളുടെ ഗ്രോസറിക്കടക്കാരനായിരുന്നു, മാളുകൾ മുംബെയിൽ സർവ്വാധിപത്യം സ്ഥാപിയ്ക്കുന്നതിനു മുൻപ് .ഞങ്ങളുടെ  മാത്രമല്ല, അടുത്തുള്ള ഒട്ടനവധി കെട്ടിടങ്ങളിലെ താമസക്കാർക്കൊക്കെയും. അടുത്തൊന്നും മറ്റുവലിയ കടകൾ ഇല്ല. ഇവിടെയാണെങ്കിൽ ഗ്രോസറിയ്ക്കു പുറമേ അത്യാവശ്യം പ്ലാസ്ടിക് സാധനങ്ങൾ, പൂജാസാധനങ്ങൾ, സ്കൂൾ സ്റ്റേഷനറി ഒക്കെ കിട്ടും താനും . അപ്പോൾപ്പിന്നെ അവിടത്തെ തിരക്കു ഊഹിയ്ക്കാനാകുമല്ലോ?. രാവിലെ 8മണിയോടെ കടതുറന്നാൽ രാത്രി 11.30 -12വരെ തിരക്കു തന്നെ!
കാന്തിഭായിയുടെ പ്രത്യേകത പറഞ്ഞില്ലല്ലോ?രാവിലെ 8മണിയ്ക്കു കാണുമ്പോഴും രാത്രി 11 മണിയ്ക്കു കാണുമ്പോഴും കാന്തിഭായിയുടെ പ്രസന്നഭാവവും ചിരിയും ഒരേപോലെ.കറുത്തു തടിച്ചു വട്ടമുഖവും കുറ്റിമുടിയുമുള്ള കാന്തിഭായി സാമാന്യത്തിലധികം വലുപ്പം തോന്നിയ്ക്കുന്ന ഒരു പഴയ സൈക്കിളിൽ ഞങ്ങളുടെ വീടിന്നു മുന്നിലൂടെ കടന്നുപോകുന്നതു കാണാറുണ്ടു. പരിചയക്കാർക്കൊക്കെ പൊതുവായി തലയാട്ടി ചിരിച്ചൊരു അഭിവാദ്യം. ഞങ്ങളുടെ ബിൽഡിംഗിൽ നിന്നും നാലടിനടന്നാലൊരു വളവുതിരിഞ്ഞാൽ കാന്തിഭായിയുടെ കടയായി. കട തുറന്നാൽ പൊടിതട്ടൽ , പിന്നെ പൂജ. ഏതോ കുലഗുരുവിന്റെ ഫോട്ടൊ വച്ചിരിയ്ക്കുന്നതു കാണാം. പൂജയ്ക്കിടയിൽ  കടയിൽ വന്നെത്തുന്നവരോടു പതിഞ്ഞ സ്വരത്തിൽ ‘ ഏക് സെക്കന്റ്….എക് സെക്കന്റ് “ എന്നു പറയുമ്പോൾ ഭഗവാനോടാണോ അയാൾ പറയുന്നതെന്നു പലപ്പോഴും എനിയ്ക്കു തോന്നിയിട്ടുണ്ടു. കാരണമുണ്ട്, ഭഗവാനോടു കാണിയ്ക്കുന്ന അതേ ഭവ്യത തന്നെ ഇയാൾ തന്റെ കസ്റ്റമേർസിനോടും കാണിയ്ക്കുന്നു എന്നതു തന്നെ!
അധികം പേരും ഒന്നിച്ചു വീട്ടുസാധനങ്ങൾ ഫോൺ വഴി ഓർഡർ ചെയ്യും. അതനുസരിച്ചു കാന്തിഭായി അവ അവരുടെ വീട്ടിലെത്തിച്ചു കൊടുക്കും. കഴിയുന്നത്ര വേഗത്തിൽ തന്നെ. ഇത്രയധികം കസ്റ്റമേഴ്സിൽ ആരു വിളിച്ചാലും അയാൾ ശബ്ദം കൊണ്ടു അവരെ തിരിച്ചറിഞ്ഞു ഫ്ലാറ്റ് നമ്പറും ബിൽഡിംഗ് നമ്പറും മനസ്സിലാക്കും. ആയിരം രൂപയുടെ സാധനങ്ങളായാലും ഒരു പാക്കറ്റ് ബ്രേഡ് ആയാലും വീട്ടിലെത്തിച്ചു തരും. കൃത്യമായി പറ്റുവിവരം എഴതിയിടുന്ന കാന്തിഭായി ആരെങ്കിലും തരാനുള്ള പൈസയെക്കുറിച്ചു ചോദിയ്ക്കുന്നതിനു മുൻപേ പറയും”പൈസ കോൻ പൂച്ഛാ, അപ്ന ദൂക്കാൻ സമഝ് ലോ” . കാന്തിഭായിയ്ക്കു നന്നായറിയാം, പൈസ വഴിപോലെ വരുമെന്നു, അതു തന്നെ! ഒരു    ചെറിയ സാധനം വാങ്ങാൻ വരുന്ന സധാരണക്കാരനും, സ്റ്റൈലിൽ ഡ്രെസ്സ് ചെയ്തു കാറിൽ വന്നു സാധനങ്ങളുടെ ലിസ്റ്റ് കൊടുത്തു അല്ലെങ്കിൽ വാങ്ങിപ്പോകുന്നവനും കാന്തി ഭായിയ്ക്കു  സമം തന്നെ!  സദാ ചിരിച്ച മുഖം അൽ‌പ്പം ഉയർത്തി വൈകുന്നതിലെ ക്ഷമാപണത്തോടെ സാധനങ്ങൾ തരുന്ന കാന്തിഭായിയോടു ആർക്കും കയർക്കാൻ തോന്നാറില്ല.  കാന്തിഭായ് ദ റിയൽ മാനേജ്മെന്റ് ഗുരു എന്നാണു ഞങ്ങളൊക്കെ കളിയാക്കി പറയുന്നത്.സ്കൂൾ വിട്ടു കുട്ടികളേയും കൊണ്ട് വരുന്ന ഭാര്യയുടെ ഉറക്കെയുള്ള ശബ്ദത്തിലും ഇയാൾക്കു ദേഷ്യപ്പെട്ടു കണ്ടിരുന്നില്ല. ഐസ്ക്രീം പെട്ടി തുറന്നു ഐസ്ക്രീം എടുക്കുന്ന മകളോട്  ഈ തണുപ്പിൽ ഐസ്ക്രീം കഴിയ്ക്കേണ്ടെന്നു പറഞ്ഞതും “ബച്ചി ഹൈ നാ, ഖാനേ ദോ” എന്ന ഭാര്യയുടെ വാക്കുകൾ കേട്ടു അങ്ങനെത്തന്നെയെന്നു തലയാട്ടുന്ന ആളാണ് കാന്തിഭായ് . മറ്റൊരു മുഖഭാവം ഇയാൾക്കു പറ്റില്ലെന്നായിട്ടുണ്ടോ എന്നു തോന്നിപ്പോകും.
തനിയ്ക്കു പറ്റുന്നവിധത്തിൽ ആരെയും സഹായിയ്ക്കുവാനും കാന്തിഭായി സദാ സന്നദ്ധനാണ്. വീടു വാങ്ങൽ, വിൽക്കൽ, പുതിയ വാടകക്കാരെ തേടൽ, പുതിയ വാടകവീടു അന്വേഷിയ്ക്കൽ—-എന്തായാലും കാന്തിഭായി അറിയാതെ നടക്കാറുമില്ലല്ലോ?. ഇവിടെ നിന്നു താമസം മാറ്റി പുതിയ സ്ഥലത്തെത്തിയ ഞങ്ങൾ കാന്തിഭായിയെ ശരിയ്ക്കും മിസ് ചെയ്യുമെന്നോർത്തിരുന്നു. പക്ഷേ പുതിയസ്ഥലത്തെ സദാ തല ആട്ടിക്കൊണ്ടേയിരിയ്ക്കുന്ന ദുർബലനായ വയസ്സൻ കടയുടമ പലകാര്യങ്ങളിലും കാന്തിഭായി തന്നെ. ശരിയാണ് അസഹിഷ്ണുത നിറഞ്ഞ നഗരജീവിതത്തിൽ ഇത്തരം കാന്തിഭായികളെ പലയിടത്തും നമുക്കു കാണാനാവുന്നു, ഇതേ പോലെ വർണ്ണനൂലുകളായി. അവർ സമൂഹത്തിന്റെ ആവശ്യമായ അവിഭാജ്യ ഘടകങ്ങൾ തന്നെ! കഴിയുന്നതും മറ്റുള്ളവരെ സന്തോഷിപ്പിച്ചും സഹായിച്ചുമുള്ള ജീവിതം നയിയ്ക്കുന്നവർ. കാര്യം നേടാൻ പലപ്പോഴും പലരും ഇതുപയോഗിയ്ക്കാറുള്ളതുമാണല്ലോ?
ഇപ്പോഴിതോർക്കാൻ കാരണമുണ്ടു.  കമ്പ്യൂട്ടറിന്റെ മോണിട്ടർ റിപ്പെയർ ചെയ്തു തന്ന പയ്യൻ ഇതുവരെ പൈസ വാങ്ങാനെത്തിയില്ല. എന്തു ചിലവെന്നും പറഞ്ഞില്ല. ‘ശരി പിന്നീടാവട്ടെ, അപ്നാ ഹീ ദൂക്കൻ ആണല്ലോ “എന്നു ഇത്തവണ ഞാനാണു പറഞ്ഞു പോയത്. പതിവായി സാരി വാങ്ങുന്ന കടയിൽനിന്നും സാരി വാങ്ങുമ്പോൾ വിലപേശുന്നതിനിടയ്ക്കു   ഇന്നലെ എന്റെ വായിൽ നിന്നും ഇതേ വാക്കുകൾ വീണിരുന്നല്ലോ? അപ്പോൾ ‘കാന്തിഭായി സിൻഡ്രം‘ എന്നെയും പിടികൂടിക്കഴിഞ്ഞല്ലോ?

കാന്തിഭായ് ഞങ്ങളുടെ ഗ്രോസറിക്കടക്കാരനായിരുന്നു, മാളുകൾ മുംബെയിൽ സർവ്വാധിപത്യം സ്ഥാപിയ്ക്കുന്നതിനു മുൻപ് .ഞങ്ങളുടെ  മാത്രമല്ല, അടുത്തുള്ള ഒട്ടനവധി കെട്ടിടങ്ങളിലെ താമസക്കാർക്കൊക്കെയും. അടുത്തൊന്നും മറ്റുവലിയ കടകൾ ഇല്ല. ഇവിടെയാണെങ്കിൽ ഗ്രോസറിയ്ക്കു പുറമേ അത്യാവശ്യം പ്ലാസ്ടിക് സാധനങ്ങൾ, പൂജാസാധനങ്ങൾ, സ്കൂൾ സ്റ്റേഷനറി ഒക്കെ കിട്ടും താനും . അപ്പോൾപ്പിന്നെ അവിടത്തെ തിരക്കു ഊഹിയ്ക്കാനാകുമല്ലോ?. രാവിലെ 8മണിയോടെ കടതുറന്നാൽ രാത്രി 11.30 -12വരെ തിരക്കു തന്നെ!കാന്തിഭായിയുടെ പ്രത്യേകത പറഞ്ഞില്ലല്ലോ?രാവിലെ 8മണിയ്ക്കു കാണുമ്പോഴും രാത്രി 11 മണിയ്ക്കു കാണുമ്പോഴും കാന്തിഭായിയുടെ പ്രസന്നഭാവവും ചിരിയും ഒരേപോലെ.കറുത്തു തടിച്ചു വട്ടമുഖവും കുറ്റിമുടിയുമുള്ള കാന്തിഭായി സാമാന്യത്തിലധികം വലുപ്പം തോന്നിയ്ക്കുന്ന ഒരു പഴയ സൈക്കിളിൽ ഞങ്ങളുടെ വീടിന്നു മുന്നിലൂടെ കടന്നുപോകുന്നതു കാണാറുണ്ടു. പരിചയക്കാർക്കൊക്കെ പൊതുവായി തലയാട്ടി ചിരിച്ചൊരു അഭിവാദ്യം. ഞങ്ങളുടെ ബിൽഡിംഗിൽ നിന്നും നാലടിനടന്നാലൊരു വളവുതിരിഞ്ഞാൽ കാന്തിഭായിയുടെ കടയായി. കട തുറന്നാൽ പൊടിതട്ടൽ , പിന്നെ പൂജ. ഏതോ കുലഗുരുവിന്റെ ഫോട്ടൊ വച്ചിരിയ്ക്കുന്നതു കാണാം. പൂജയ്ക്കിടയിൽ  കടയിൽ വന്നെത്തുന്നവരോടു പതിഞ്ഞ സ്വരത്തിൽ ‘ ഏക് സെക്കന്റ്….എക് സെക്കന്റ് “ എന്നു പറയുമ്പോൾ ഭഗവാനോടാണോ അയാൾ പറയുന്നതെന്നു പലപ്പോഴും എനിയ്ക്കു തോന്നിയിട്ടുണ്ടു. കാരണമുണ്ട്, ഭഗവാനോടു കാണിയ്ക്കുന്ന അതേ ഭവ്യത തന്നെ ഇയാൾ തന്റെ കസ്റ്റമേർസിനോടും കാണിയ്ക്കുന്നു എന്നതു തന്നെ!അധികം പേരും ഒന്നിച്ചു വീട്ടുസാധനങ്ങൾ ഫോൺ വഴി ഓർഡർ ചെയ്യും. അതനുസരിച്ചു കാന്തിഭായി അവ അവരുടെ വീട്ടിലെത്തിച്ചു കൊടുക്കും. കഴിയുന്നത്ര വേഗത്തിൽ തന്നെ. ഇത്രയധികം കസ്റ്റമേഴ്സിൽ ആരു വിളിച്ചാലും അയാൾ ശബ്ദം കൊണ്ടു അവരെ തിരിച്ചറിഞ്ഞു ഫ്ലാറ്റ് നമ്പറും ബിൽഡിംഗ് നമ്പറും മനസ്സിലാക്കും. ആയിരം രൂപയുടെ സാധനങ്ങളായാലും ഒരു പാക്കറ്റ് ബ്രേഡ് ആയാലും വീട്ടിലെത്തിച്ചു തരും. കൃത്യമായി പറ്റുവിവരം എഴതിയിടുന്ന കാന്തിഭായി ആരെങ്കിലും തരാനുള്ള പൈസയെക്കുറിച്ചു ചോദിയ്ക്കുന്നതിനു മുൻപേ പറയും”പൈസ കോൻ പൂച്ഛാ, അപ്ന ദൂക്കാൻ സമഝ് ലോ” . കാന്തിഭായിയ്ക്കു നന്നായറിയാം, പൈസ വഴിപോലെ വരുമെന്നു, അതു തന്നെ! ഒരു    ചെറിയ സാധനം വാങ്ങാൻ വരുന്ന സധാരണക്കാരനും, സ്റ്റൈലിൽ ഡ്രെസ്സ് ചെയ്തു കാറിൽ വന്നു സാധനങ്ങളുടെ ലിസ്റ്റ് കൊടുത്തു അല്ലെങ്കിൽ വാങ്ങിപ്പോകുന്നവനും കാന്തി ഭായിയ്ക്കു  സമം തന്നെ!  സദാ ചിരിച്ച മുഖം അൽ‌പ്പം ഉയർത്തി വൈകുന്നതിലെ ക്ഷമാപണത്തോടെ സാധനങ്ങൾ തരുന്ന കാന്തിഭായിയോടു ആർക്കും കയർക്കാൻ തോന്നാറില്ല.  കാന്തിഭായ് ദ റിയൽ മാനേജ്മെന്റ് ഗുരു എന്നാണു ഞങ്ങളൊക്കെ കളിയാക്കി പറയുന്നത്.സ്കൂൾ വിട്ടു കുട്ടികളേയും കൊണ്ട് വരുന്ന ഭാര്യയുടെ ഉറക്കെയുള്ള ശബ്ദത്തിലും ഇയാൾക്കു ദേഷ്യപ്പെട്ടു കണ്ടിരുന്നില്ല. ഐസ്ക്രീം പെട്ടി തുറന്നു ഐസ്ക്രീം എടുക്കുന്ന മകളോട്  ഈ തണുപ്പിൽ ഐസ്ക്രീം കഴിയ്ക്കേണ്ടെന്നു പറഞ്ഞതും “ബച്ചി ഹൈ നാ, ഖാനേ ദോ” എന്ന ഭാര്യയുടെ വാക്കുകൾ കേട്ടു അങ്ങനെത്തന്നെയെന്നു തലയാട്ടുന്ന ആളാണ് കാന്തിഭായ് . മറ്റൊരു മുഖഭാവം ഇയാൾക്കു പറ്റില്ലെന്നായിട്ടുണ്ടോ എന്നു തോന്നിപ്പോകും.തനിയ്ക്കു പറ്റുന്നവിധത്തിൽ ആരെയും സഹായിയ്ക്കുവാനും കാന്തിഭായി സദാ സന്നദ്ധനാണ്. വീടു വാങ്ങൽ, വിൽക്കൽ, പുതിയ വാടകക്കാരെ തേടൽ, പുതിയ വാടകവീടു അന്വേഷിയ്ക്കൽ—-എന്തായാലും കാന്തിഭായി അറിയാതെ നടക്കാറുമില്ലല്ലോ?. ഇവിടെ നിന്നു താമസം മാറ്റി പുതിയ സ്ഥലത്തെത്തിയ ഞങ്ങൾ കാന്തിഭായിയെ ശരിയ്ക്കും മിസ് ചെയ്യുമെന്നോർത്തിരുന്നു. പക്ഷേ പുതിയസ്ഥലത്തെ സദാ തല ആട്ടിക്കൊണ്ടേയിരിയ്ക്കുന്ന ദുർബലനായ വയസ്സൻ കടയുടമ പലകാര്യങ്ങളിലും കാന്തിഭായി തന്നെ. ശരിയാണ് അസഹിഷ്ണുത നിറഞ്ഞ നഗരജീവിതത്തിൽ ഇത്തരം കാന്തിഭായികളെ പലയിടത്തും നമുക്കു കാണാനാവുന്നു, ഇതേ പോലെ വർണ്ണനൂലുകളായി. അവർ സമൂഹത്തിന്റെ ആവശ്യമായ അവിഭാജ്യ ഘടകങ്ങൾ തന്നെ! കഴിയുന്നതും മറ്റുള്ളവരെ സന്തോഷിപ്പിച്ചും സഹായിച്ചുമുള്ള ജീവിതം നയിയ്ക്കുന്നവർ. കാര്യം നേടാൻ പലപ്പോഴും പലരും ഇതുപയോഗിയ്ക്കാറുള്ളതുമാണല്ലോ?ഇപ്പോഴിതോർക്കാൻ കാരണമുണ്ടു.  കമ്പ്യൂട്ടറിന്റെ മോണിട്ടർ റിപ്പെയർ ചെയ്തു തന്ന പയ്യൻ ഇതുവരെ പൈസ വാങ്ങാനെത്തിയില്ല. എന്തു ചിലവെന്നും പറഞ്ഞില്ല. ‘ശരി പിന്നീടാവട്ടെ, അപ്നാ ഹീ ദൂക്കൻ ആണല്ലോ “എന്നു ഇത്തവണ ഞാനാണു പറഞ്ഞു പോയത്. പതിവായി സാരി വാങ്ങുന്ന കടയിൽനിന്നും സാരി വാങ്ങുമ്പോൾ വിലപേശുന്നതിനിടയ്ക്കു   ഇന്നലെ എന്റെ വായിൽ നിന്നും ഇതേ വാക്കുകൾ വീണിരുന്നല്ലോ? അപ്പോൾ ‘കാന്തിഭായി സിൻഡ്രം‘ എന്നെയും പിടികൂടിക്കഴിഞ്ഞല്ലോ?

Leave a Reply

Your email address will not be published. Required fields are marked *