മായം… സര്‍വത്ര മായം..

Posted by & filed under കവിത.

ഫലങ്ങള്‍ തിന്നീടുക, ദേഹരക്ഷാ-
ബലം ലഭിച്ചീടുമിതോര്‍പ്പു നമ്മള്‍,
ഫലത്തില്‍ ലാഭത്തിനു ചേര്‍പ്പു മായം,
ഫലം? അനാരോഗ്യമിതെത്ര കഷ്ടം?

കുടിച്ചിടാം പാലതു നല്ലതെത്ര,
ചെറുപ്പകാലത്തിലെ ശീലമല്ലേ?
എനിയ്ക്കു പേടിച്ചതിനാവതില്ല
കലക്കിടും പാലിലെ മായമോര്‍ത്താല്‍.

കഴിയ്ക്കു പച്ചക്കറി, ചോര നീരി-
ന്നിതത്രെ വേണ്ടു,മകനോടു ചൊല്ലാം!
മുഴുത്തിടാന്‍, കീടമകറ്റിടാനായ്
തളിച്ചിടും ദ്രാവകമെത്ര രൂക്ഷം!

എനിയ്ക്കു വയ്യാ,യിവയോര്‍ത്തിരുന്നാല്‍
കഴിയ്ക്ക വയ്യാ, യൊരു സാധനങ്ങളും
നശിച്ചിടാന്‍ നേരമതായിയെങ്കില്‍
വിധിയ്ക്കു കുറ്റം പറവല്ലെ, നല്ലൂ!

6 Responses to “മായം… സര്‍വത്ര മായം..”

  1. കണ്ണൂരാന്‍ - KANNURAN

    അതെ, മായം മായം സര്‍വ്വത്ര മായം..

  2. Sul | സുല്‍

    വി ആര്‍ വെജിറ്റബിള്‍
    ഫ്രെഷ് ആന്‍ഡ് ഗ്രീന്‍ 🙂
    അതു പണ്ട്
    ഇത് ഇന്ന്…

    കൊള്ളാം.
    മയം മയം മായമയം
    -സുല്‍

  3. അഭയാര്‍ത്ഥി

    പട്ടിണികിടക്കുക വയറു ചൊട്ടിക്കുക
    തിന്നുവാനൊന്നുമില്ല സംശുദ്ധമായ്‌
    വന്നീടുമാധി നാളെയെന്നോര്‍ത്തു നീ
    ഇന്നേ മരിക്കുവാന്‍ കോപ്പുകൂട്ടീടുക

  4. സാക്ഷരന്‍

    നന്നായിട്ടു കഴിക്യാ … അദ് തന്നേ …

    ഉണ്ടാല് ഉണ്ട പോലാവണം
    ഉണ്ടപോലാവരുത് …. കേട്ടിട്ടില്ലേ

  5. ഇന്‍ഡ്യാഹെറിറ്റേജ്‌

    🙂

  6. വേണു venu

    എല്ലാം മായാജാലം.:)

Leave a Reply

Your email address will not be published. Required fields are marked *