bye 2014, welcome2015

Posted by & filed under കവിത.

യാത്ര ചൊല്ലിടാനായി നീ കാത്തു നിന്നീടുമ്പോ-

ളോർത്തുപോയ് , ഇതുപോലെ നിന്നെ സ്വാഗതം ചെയ്യാൻ

കാത്തു നിന്നൊരാ ദിനം, മനസ്സിൽ പല സ്വപ്നം

ചേർത്തു ഞാനെന്നെത്തന്നെ മറന്ന നിമിഷങ്ങൾ!

വർഷമേ, നിന്നിൽ ലയിച്ചൊപ്പം ഞാൻ ചരിച്ചെന്റെ

വർണ്ണങ്ങൾ നിറഞ്ഞൊരാ സ്വപ്നങ്ങൾ കൂടെക്കൂടി

എണ്ണിയില്ലവയെത്ര സത്യമായെന്നുള്ളതു-

മെങ്കിലും കരുണ നീ കാട്ടിയതറിയുന്നു.

ഇന്നു നീ വിടചൊൽകെ നന്ദിയോതിടുന്നിതാ

വന്നിടും വർഷത്തിനു സ്വാഗതമോതുന്നൊപ്പം

നന്മകൾ നിറഞ്ഞിടും പുതിയ വർഷത്തിനെ

നമ്മൾക്കിന്നെതിരേൽക്കാം, ആശംസകളും നേരാം.

Leave a Reply

Your email address will not be published. Required fields are marked *