പുഴയുടെ സ്വപ്നം

Posted by & filed under കവിത.

യാത്ര ഞാന്‍ തുടങ്ങിയിട്ടൊട്ടേറെ നാളായൊരു-
മാത്ര പോലുമേയെടുത്തില്ല വിശ്രമം തെല്ലും,
ഓര്‍ത്തുപോകുന്നു മാരി് നിര്‍വിഘ്നം ചൊരിഞ്ഞൊരാ-
രാത്രി ,ഞാന്‍ ജന്മം കൊണ്ടു പുഴയായ് ,സന്തോഷത്താ-
ലാര്‍ത്താത്തു ചിരിച്ചുല്ലസിച്ചൊരുനിമിഷവു-
മോര്‍ത്തിടില്‍ മനമൊട്ടു കുളിര്‍പ്പു,വെന്നാകിലു-
മാമല മുകള്‍നിന്നു താഴോട്ടു പതിയ്ക്കുമ്പോ-
ളാകുലചിത്തത്തോടെ വാവിട്ടു കരഞ്ഞതും
ഒരൊട്ടു നേരം കഴിഞ്ഞില്ലതിന്‍ മുന്‍പേ യെനി-
യ്ക്കൊരല്പമാശ്വാസത്തിന്‍ കൈകളായൊരുപാടു-
ചെറുനീരുറവകളെത്തിയെന്‍ സഖികളാ-
യധികം വേഗാല്‍ പോകാനൂക്കതു പിടിച്ചതും
കളിയും ചിരിയുമായ് കളനാദത്താല്‍ ഞാന-
ന്നനങ്ങിക്കുണുങ്ങീക്കൊണ്ടനര്‍ഗളമായ് പേടി-
യതൊട്ടു മറന്നേറെയൊഴുകീടവേയാരോ
പറഞ്ഞു, പ്രിയന്‍ തന്നെക്കാണുവാനിനിയില്ല-
യധികം ദൂരം, ഓര്‍ക്കുമ്പോഴെന്റെ മനം തുടി-
യതൊന്നു കൊട്ടീടുന്നു, കേള്‍ക്കുവാനില്ലേ?യിനി
യൊരൊറ്റ മോഹം മാത്രമലിയാനവനിലായ്!
ഒഴുക്കിന്നിതുനിര്‍ത്തി ജന്മസാഫല്യം നേടാന്‍!

 

 

8 Responses to “പുഴയുടെ സ്വപ്നം”

  1. Guhn

    SECURITY CENTER: Look Please Here

  2. Bhagavathy

    നല്ല വരികല്‍.നന്നായി ഇനിയും എഴുതുക.

  3. ശ്രീ

    കൊള്ളാം.
    🙂

  4. പ്രിയ ഉണ്ണികൃഷ്ണന്‍

    കൊള്ളാം

  5. അനൂപ്‌ എസ്‌.നായര്‍ കോതനല്ലൂര്‍

    ഈ പുഴയുടെ ഒഴുക്ക് കണ്ടിട്ട് മനസിനൊരു കുളിര്

  6. ഉഗാണ്ട രണ്ടാമന്‍

    നന്നായി ഇനിയും എഴുതുക…

  7. Transplante de Cabelo
  8. അനില്‍ ഐക്കര

    യാത്ര ഞാന്‍ തുടങ്ങിയിട്ടൊട്ടേറെ നാളായൊരു-
    മാത്ര പോലുമേയെടുത്തില്ല വിശ്രമം തെല്ലും,

    മുന്‍പു സൂചിപ്പിച്ചത് പോലെ തന്നെ നദ്യുടെ യാത്രയും കവയിത്രിയുടെ യാത്രയും തമ്മില്‍ എന്തൊരു പൊരുത്തം. ഓരോ അമ്മയും ഒരു നദിയാണ് എന്നു കേട്ടിട്ടുണ്ട്. അതിവിടെ കൂടുതല്‍ വ്യാഖ്യാനം നേടുന്നു.
    നല്ല വരികള്‍, ഇനിയും എഴുതുമല്ലോ…

Leave a Reply

Your email address will not be published. Required fields are marked *